(Unicode)
《၄၀၅》ပြီးပြီးရောလေသံ ပြီးပြီးရောစွပ်ပြုတ်
စက္ကန့်အနည်းငယ်မျှ တိတ်ဆိတ်သွားပြီးနောက်တွင် သူက ရုတ်တရက် အနားရောက်လာသည်။ သေးသွယ်သန်မာသောလက်ချောင်းကလေးတွေဖြင့် သူမမေးစေ့ကို ဆွဲဖျစ်လျက် သူမကို သူနှင့် မျက်နှာချင်းဆိုင်စေသည်။ မျက်လုံးအစုံသည် အေးစက်ခက်ထန်နေကာ သူက လေးနက်စွာ ထပ်ပြောလေ၏။
" ထပ်ပြောမယ် ဒီနေရာမှာ စိတ်ဆိုးစိတ်ကောက်မလုပ်နဲ့ "ကျိနွမ် ဒေါသဖြင့် သူ့လက်ကို ပုတ်ချလိုက်ကာ အေးစက်စက်နိုင်စွာ ပြုံးမိသည်။
" ရှင်က ကျွန်မကို စိတ်ဆိုးစိတ်ကောက်လုပ်နေတယ်လို့ ထင်နေတာလားဟင်။ မော့ကျင်းရှန်း ကျွန်မကလေ ကိုယ့်မှာရှိတဲ့အဆူးတွေအားလုံးကိုရှင်းထုတ်ပြီး ရှင့်ကို နေ့တိုင်း နူးညံ့မှုတွေနဲ့ပဲ ဆက်ဆံခဲ့တာပါ။ ရှင့်အပေါ်မှာ စိတ်ဆိုးစိတ်ကောက်နဲ့ ကျွန်မ ဝုန်းဒိုင်းကြဲခဲ့ဖူးသလား "သူက သူမမျက်ဝန်းတွေထဲကို စိုက်ကြည့်ပြီး ပြတ်သားစွာ ဆိုလာ၏။
" ကိုယ့်ဗီဇကိုယ် ချုပ်တည်းထားစရာမလိုပါဘူး။ မင်းပုံစံအတိုင်းပဲနေစမ်းပါ။ မင်းတတ်နိုင်တာတွေကိုပဲပြ။ ကိုယ့်ဘာသာကိုယ် အကြာကြီး ဟန်ဆောင်မျက်နှာဖုံးတပ်ထားခဲ့လို့ ခု မပြင်နိုင်တော့တဲ့ကိစ္စမှာ ငါ့ကို အပြစ်တင်လို့ရမလား "သူ့ကိုစိုက်ကြည့်နေသည့် ကျိနွမ်မျက်ဝန်းတွေ တဖြည်းဖြည်းနှင့် ကျဥ်းမြောင်းလာရကာ..
" ရှင်က ကျွန်မကို ဟိုးအရင်က ကျိနွမ် ဖြစ်လာစေချင်တာလား "မော့ကျင်းရှန်းက နှုတ်ခမ်းတွေကို ကွေးညွတ်ကာ သရော်ပြုံးပြုံးသည်။
" ကိုယ့်ကိုယ်ကိုယ် ဘာနဲ့တူသလဲ မသိဘူးလား "ကျိနွမ် နှုတ်ခမ်းတို့ ပွင့်ဟသွားသော်လည်း ခေတ္တတုံ့ဆိုင်းသွားရကာ..
" ကောင်းပြီလေ "မေးစေ့ပေါ်ကသူ့လက်ကို ဖယ်ရှားဖို့ကြိုးစားလိုက်ပေမယ့် မစွမ်းသာ။
မော့ကျင်းရှန်းက သူမမေးစေ့ကို ခပ်တင်းတင်း ဆွဲညှစ်ထားသည်။
" မင်း ဒီမှာ ဆင်းလို့မရဘူး။ ငါ နောက်နေတာ မဟုတ်ဘူးနော်။ Drama Queen မလုပ်ချင်နဲ့ "
YOU ARE READING
② Young Master Mo, Are You Done Kissing?
RomanceMyanmar Translation of ❛ Young Master Mo, Are You Done Kissing?❜ Author:青青谁笑 《Qingqing Who Laughs》 Native Title:暖风不及你情深『墨景深VS季暖』 CP: Mo Jingshen VS Ji Nuan ဇာတ်ကောင်များ : မော့ကျင်းရှန်း VS ကျိနွမ် လိနန်ဟန် VS ဖုန်းလင် ချင်စီးထင် VS ရှီနျန့်ကော