Teach Me

هەستەکان

"سەری گرت؟"
ئالیس بە خێرایی و پەرۆشییەوە وتی، لەسەر لێواری بێدەکەی جیمین دانیشت، چاوەڕێی جیمینی ئەکرد تا وەڵام باتەوە هەر کە هاتە ژوورەوە.
ئالیس هیچ هەلێکی دەستنەکەوت تا قسەی لەگەڵ بکات لەو کاتەوەی لە ئۆفیسەکە گەڕایەوە لە ناوەڕاستی وانە، ڕووخساری نەئەخوێندرایەوە. دوو چاوە شوکولاتەییە جوانەکانی نە خۆشی نە خەمی پێوە دیار نەبوو، کە وای کرد زۆر قورس بێت بۆ ئالیس تا بزانێ جیمین بە چ ڕێگەیەک بەرەنگاری دوژمنەکەی بۆتەوە.
لی جێیهی چەند خولەکێک دوای جیمین گەڕایەوە، وە ئالیس دووبارە هیچی دەستنەکەوت.
هیچ یەکێک لە ڕوخساری ئەوان ڕووداوەکانی ناو ئۆفیسەکەی پشان نەدا.
ئالیس هیچی نەبینی تا پشتی پێ ببەستێ.
کاتێک قوتابخانە تەواو بوو، جیمین بە هێمنی سەری بۆ جوڵاند کە داپۆشراوە بە قژە سوورە گەشەکەی بە نیشانەی ئەوەی بگەڕێتەوە ماڵەوە بەبێ ئەو.
وە ئالیس گەڕایەوە.
وە ئێستا، هەر کە جیمین هەنگاوی نا بەرەو ناو ژوورەکەی، بۆینباخەکەی شل کردەوە و لای برد و قۆپچەی چاکەتەکەی دانە بە دانە کردەوە و کراسە سپییەکەی ژێری دەرخست، ئالیس سورە لەسەر ئەوەی تا دواین وشە زانیاری لە مامۆستاکەی دەربێنێ.
قژ سوورەکە هەناسەیەکی قوڵی دایەوە هەر کە بۆینباخەکەی فڕێ دایە سەر بێدەکەی. لێوە بەتامەکانی باریک کردووەتەوە بە ورییایەوە.
ئالیس بە نیگەرانییەوە ددانەکانی لێک خشاند. "چی؟ کارەکەتت لەدەستدا؟! چی ڕوویدا؟"
جیمین لە تەنیشت ئالیس دانیشت، قۆڵی لە شانەکانی ئاڵاند و قورسایی خۆی خستە سەر ئەو. "ماندووم،" جیمین وتی.
ئالیس ڕاستەوخۆ دەستی کرد بە شێلانی شانەکانی جیمین، پەستانی خستە سەر ماسولکە جێگیر و پتەوەکانی بە مەبەستی پێدانی هەموو پشتگیرییەک کە هەیەتی.
جیمین همی کرد لە ژێر دەستەکانی ئالیس، زۆر بە هێواشی جوڵا، بۆ ئەوەی لەسەر سکی پاڵکەوێت و سەری لەسەر قۆڵەکانی خۆی دابنێت، ئالیس چووە سەر پشتی و قاچەکانی لە هەردوو لای کەمەرە باریکەکەی جیمین بڵاوکردەوە و دەستەکانی توند لەسەر پشتی جیمین دانا.
"جیمین، دەییییی،" ئالیس بە گلەییەوە وتی هەر کە بەردەوام بوو لە کارکردن لە کردنەوەی گرێیەکان. "پێم بڵێ! من نیگەرانم."
"ئممم،" ئەمە هەموو وەڵامی جیمین بوو، ئالیسی بێهیواتر کرد.
ئالیس وەستا لە مەساجکردنی و دانیشت و قۆڵەکانی لەیەکتر ئاڵاند.
جیمین منگەی کرد و لە سەرووی شانییەوە ڕوانییە ئالیس، ئەویش لێوی خوارەوەی گرژ کرد.
"چی ڕوویدا؟" ئالیس دووبارە پرسی.
جیمین لەگەڵ هەڵکێشانی هەناسەیەکەوە ئەوی پشتگوێ خست.
بۆیە ئالیس بە دەستی لە سمتی جیمینی دا.
توند.
هەر بە زووی کە دەستی پەیوەندی لەگەڵ گۆیە خڕە ماسولکەدارەکە لابرد، جیمین لە ژێر ئالیس لە جوڵە وەستا.
وە ئەوە ئەو کاتە بوو کە ئالیس زانی چ هەڵەیەکی کردووە.
چۆن بوێری ئەکات؟
ئەو دەستی لە سمتی مۆچی دا.
ئالیس سوێندی خوارد کە هەموو منداڵی خۆی لە پێش چاوەکانی بینییەوە هەر کە هەستی بە جیمین کرد لە ژێرییەوە خۆی جوڵاند، وەک مارێک کە خۆی ئامادە ئەکات بۆ هێرشکردن.
ئالیس خێرا خۆی فڕێدایە بۆ لاکەی تر و بە درێژایی بێدەکە خولایەوە، بەسەر بەتانییەکە خۆی خشاند بۆ ئەوەی بگاتە لێواری کۆتایی بێدەکە، هەموو ڕێگاکە قیژەی ئەکرد.
خەریک بوو بگاتە شوێنی مەبەست، کاتێک دەستێکی بەهێز پێی ئالیسی گرت و ڕایکێشایەوە دواوە.
وەک و دیمەنێکی فیلمی ترسناکە؛ ئالیس لەسەر سکی و، بە ترسەوە نینۆکەکانی بە کار ئەهێنێ بۆ گەشتن بەرەو سەلامەتی هەر کە هەوڵی ئەدا خۆی بپارێزێ لەو سزایەی کە لێخۆشبوونی نییە و لە پشتەوە چاوەڕێی ئەکات.
ئەو بابەتەی جێیهی و بانگکردنی لە لایەن بەڕێوبەرەکە فڕین بۆ قوڵایی تاریکترین بەشی مێشکی کاتێک ئالیس هەستی کرد جەستە قورسەکەی جیمین کەوتە سەر کەمەری، ڕێک بە هەمان ئەو شێوەیەی کە ئالیس چەند ساتێک لەمەو پێش لەسەر جیمین دانیشتبوو.
بەڵام ئالیس نەیزانی ئەو شوێنە چەنێک مەترسیدار بوو بۆی.
"هەڵەیەکی گەورە، بەیبی." جیمین بە دەنگێکی تاریک لە هەمان کاتدا نەرم وتی، بە لەپی دەستەکانی پەستانی خستە سەر پشتی.
ئالیس بە تەواوی کوێر و بێ ئاگایە لە جوڵەکانی جیمین، جەستەی ئەو وای لە ئالیس کردووە کە سەری لەلای ڕاست بحەسێنێتەوە بۆ ئەوەی هەناسەکانی لە ناو بەتانییەکە لە دەست نەدات، وە ئەمە نەفرەتییانە ئالیس شڵەژاو ئەکات.
ئەو خستییە ناو تەڵەکەی خۆییەوە.
"تەنها ئەمەوێ بزانم کە چی ڕوویدا،" ئالیس بە تووڕەیی و دڵتەنگییەوە وتی. "بوەستە لەم ڕەفتارانەت."
"ئەمە من نیم کە ڕەفتارەکانی خراپن، ئەمە منم کە زۆر زۆر باشم لەگەڵت." جیمین وتی.
پاشان دەستەکانی چیتر لەسەر پشتی ئالیس نەما. لە جیات ئەمە، ئالیس هەستی کرد کە ڕێ ئەکەن بەرەو لای قژی و تاڵە مووەکانی لا ئەبەن بۆ ئەوەی ملی دەرخەن، وە لێوە نەرمەکانی جیمین بەر پێستی ئەوێ کەوت.
هەناسەکان لە ناو گەرووی ئالیس قورس بوون، قاچێکی لە خۆیەوە وەشاند بۆ ئەوەی هەر نەبێ سودێکی هەبێ بۆ خۆ ڕزگار کردن لە ژێری. "دوورکەوە لێم، زۆر قورسی ئااااا،" ئالیس بە بێ هەناسەییەوە وتی.
جیمین پشتگوێی خست، بە هێواشی جەستەی خۆی بە درێژایی خەستەی ئالیس سوڕاندەوە و تاکو بە تەواوی کەوتە سەر ئالیس و ئێستا ئەو دەستی بەسەر هەموو جوڵەیەکی داگرتووە، ڕانەکانی لە هەردوو لای کەمەری ئالیسەو و قۆڵەکانی بەکارهێناوە بۆ ئەوەی بە جێگیری لەسەرووی ئەوەوە بمێنێتەوە وەک شناو کردن.
"شیرینەکەم، ئەگەر شتەکان بە خراپی ڕوویاندابێ پێت وایە ئێستا ئەم بەزمەم ئەکرد لەگەڵت؟"
هەناسە گەرمەکەی جیمین کە بەر ملی ئەکەوت موچوڕکێکی نارد بەرەو دانە بە دانەی بڕبڕەکانی پشتی، بەڵام وەڵامەکەی ئەو ئالیسی ئاسوودە کرد. "کەواتە کارەکە بە باشی ڕۆشت؟" ئالیس پرسی.
جیمین لە بێزارییا مۆڕەی کرد، سەری بەرز کردەوە و سەیری ڕانی کرد. "ئەمە هەموو ئەوەیە کە تۆ بیری لێ ئەکەیتەوە کاتێک من خەریکم شتێک بکەم کە بە دڵت نییە؟" جیمین وتی، تۆنێکی فێڵبازانە بە ئاشکرا لە دەنگی ئەبیسترا.
"بەڵێ،" ئالیس بە سادەیی وتی، بەڵام ڕاست نەبوو. نیگەرانییەکەی سەرەکیترین شتە لە ناو مێشکی، هەرچەندە دەستلێدانەکانی جیمین بێگومان بە باشی کاری خۆیان ئەکەن بۆ ئەوەی سەرنجی ئالیس ڕابکێشن.
جیمین بە کورتی پێکەنی و خۆی خولاندەوە، لە تەنیشت ئالیس لەسەر پشتی پاڵکەوت. ڕاستەوخۆ دوای ئەمە، ئالیسی ڕاکێشایە سەر خۆی بۆ ئەوەی لەسەر سنگی پاڵکەوێ، قاچەکانی ئالیس کەوتنە هەردوو لای ڕانەکانی جیمین. بەم شێوەیە، ڕووخساریان چەند سانتیمەترێکی کەم لەیەکەوە دوورن.
"تۆ هەستەکانم بریندار ئەکەی،" قژ سوورەکە بە دراماتیکییەوە وتی، لێوە پڕەکانی گرژ کرد.
"گرنگی نادەم،" ئالیس منگەی کرد، دووپاتی کردەوە بە دانانی پەنجەی لەسەر سنگە پتەوەکەی جیمین.
جیمین چاوەکانی سوڕاند، ڕووکەشە گرژەکەی دیار نەما و دانەیەکی جدی لە جێی دانرا.
"هەموو شتێک بە پێی ئەوە ڕوویدا کە پلانمان بۆ دانابوو، بوەستە لە لە نیگەران بوون."
وتی و بە نەرمی بە پەنجە گەورەکەی گنجی نێوان برۆکانی ئالیسی لابرد. مامۆستاکەی بەردەوام بوو لەو کارە و بە دوایدا لێوی لەسەر شەویلگەی ئالیس دانا، ماچی بچووکی بەجێ ئەهێشت بە درێژایی ئەو شوێنەو پێستی ملی، پاشان بەرەو ئێخەی کراسی قوتابخانەی.

***STOP***

"جلی قوتابخانەی گەمژە،" جیمین بۆڵەی کرد کاتێک لێوەکانی چیتر نەیانتوانی بخزێن بەرەو خوارەوە بەهۆی قوماشەکەوە. پەنجەکانی بە خێرایی قۆپچەکانی سەرەوەی کراسی ئالیسیان کردەوە، وای کرد کە کراسەکە لابەرێت لەسەر شانەکانی و شان و ئێسکی ملی بە دیار بخرێن بۆی.
"نایابە." جیمین وتی، چاوە برسییەکانی بەسەر هەموو پێستە بێ ڕەنگەکەیان ئەڕوانی.
ئالیس ناتوانێ ڕێگە بگرێ لەو ڕەنگە سوورەی کە لەسەر ڕوومەتەکانی نیشتووە. سوور هەڵگەڕانەکە خێراتریش بوو کاتێک جیمین بە زمانی پێستی نێوان ڕوومەت و ملی و ئێسکی ملی ئالیسی تەڕ کرد، دەمە کراوەکەی پەستێوا بە پێستییەوە.
ناڵەیەکی نزم لە دەمی ئالیسەوە ڕایکرد، زمانی بە بێ ویستی خۆی سەری بە دەر کرد، لە ناو هەوا سەمای ئەکرد، بەهۆی ئەم هەستە گەرم و قوڵە دەستی بە کرژ بوون کرد.

***START***

ئەم گەرمییەی لێوەکانی جیمین پەیوەندی بەستووە بە گەرمی ناو دڵی ئالیس. وەک گوڵێکی تازە کراوەیە، ئەم گەرمییە بڵاو بۆتەوە و دەستی گرتووە بەسەر هەموو گۆشەیەکی دڵی کە پاڵ بە خوێن ئەنێ بۆ ناو دەمارەکانی.
ئالیس ئەوەندە گەمژە نییە کە ئەم هەستە نەناسێتەوە.
وە ئەیەوێ جیمینیش بزانێ.
ئەوان لە کۆتاییدا سەلامەتن، وە هەموو کەسێک ئەزانێ، وە پێویست ناکات چیتر بیشارنەوە.
شتێکی شاد و پۆزەتیڤ هەموو هەستەکانی پاڵ نا بەرەو سەرەوەی قوڕگی و ئەپاڕێنەوە بۆ مۆڵەتی ئالیس بۆ هاتنە دەرەوە.
بۆیە، کە جیمین ماچی نەرم و بچووکی بە درێژایی شانی بڵاو ئەکردەوە، ئالیس ڕێگەی دا بێنە دەرەوە.
"جیمین، خۆشمەوێی."
وە جیمین لە جوڵە کەوت.

____________

سەلام ڕەفیقان😂
چەند لەمێژە ئەمەوێ پارتی نوێ بنوسم بەس ئاخ نەمتوانی و کاتم هیچ هیچ نەبوو، ئای هۆپ دڵتان هەڵی بگرێ و ئەمەم وەک داوای لێبووردن لێ وەرگرن🥺