Teach Me

*فەڕەنسی

هەر وەکو پێشتر وتی، جیمین بە ماچێک دەستی پێکرد کە وەڵامدانەوەیەک بوو بۆ تاقیکردنەوەکانی دوێنێی ئالیس. ماچەکە نەرم و بەسۆز و پێشەنگە، بە تەواوی جیاوازە لەو ماچە توندانەی کە جیمین هێرشی پێیان کردە سەر ئالیس چەند ساتێک پێش ئێستا. لێوەکانی وەک و هەوا سووکن لەسەر ئەوانەی ئالیس.
جیمین لە کۆتاییدا ماچی بچووکی ئالیسی کرد، لێوی کەمێک گەست پێش ئەوەی بکشێتەوە دواوە و بهێڵێت ئالیس کۆنتڕۆڵ بگرێتە دەست.
ئالیس بە ترسنۆکی لێوەکانی جیمینی لە نێوان لێوەکانی خۆی لەباوەش گرت و ماچی کرد، لێوی خستە سەر ئەوانەی جیمین و تاکو جیمین دووبارە بەرەو ئالیس جوڵا، بۆ ئەوەی ئەویش پەیوەندی دروست بکات. ئالیس هەر ئەچووە دواوە، لەگەڵ ئەوەشدا دڵخۆشبوو بەو گەرم بوونەی جیمین.
ئەوە بە شێوەیەک خۆشە کە هەست بە جیمین ئەکات زۆر بە خراپی ئەوی ئەوێت کە خۆی ئەو کەسەیە دوای لێوی ئالیس ئەکەوێ، نەک بە پێچەوانەوە.
"ماچم بکە، ئالیس،" مامۆستاکەی ئالیس داوای کرد، کاتێک لێوەکانی ئەگووشی. "بوەستە لە یاریکردن."
"ببورە،" ئالیس چرپەی کرد. ئێستا بە تەواوی لێوەکانی جیمینی گرتووە بەوانەی خۆیەوە، لاسایی جیمینی ئەکردەوە لە فراوان کردنی دەمی بۆ ئەوەی ماچەکە قوڵ بکاتەوە.
پەنجەکانی جیمین لەسەر ڕانی ئالیس جێگیر بوون کاتێک ئالیس دەستی کرد بە ماچکردنی لێوی خوارەوەی جیمین.
"بەیبی،" جیمین لە بەردەم لێوی ئالیس هەناسەی دایەوە. "هەستت چۆنە دەربارەی فەڕەنسی؟"
فەڕەنسی؟
"ئم، یانی مەبەستت لە زمانەکەیە؟" ئالیس بە منگەوە پرسی. لە بیریەتی چۆن کەمێک پێش ئێستا جیمین گازی لێ گرت، هەوڵی دا هەمان شت دووبارە بکاتەوە بە گرتنی گازێکی نەرم و هێواش لە لێوی جیمین بە ددانی.
"همم، تەقریبەن،" جیمین وەڵامی دایەوە بە هێواشی، پەستانی خستە سەر ئالیس. "ئەتەوێ تاقی بکەیتەوە؟"
تاقی کردنەوە؟
ئالیس لە جیمین کشایەوە و بە گومانەوە سەیری کرد. "چی؟! من فەڕەنسی نازانم."
جیمین پێکەنی، لێوەکانی لە ڕۆژانی ئاسایی پڕتر و ڕەونەقدارترن بەهۆی ماچکردنی ئالیسەوە. "هێشتا نا، بەڵام تۆ فێری ئەبی." جیمین وتی.
"تۆ چی ئە—"
لێوەکانی جیمین دەمی ئالیسیان داخست، بە نەرمی لێوی ئالیسی لە نێوانی لێوەکانی خۆی گرت و دەمی کردەوە.
شتێکی لووس، گەرم، وە تەڕ بەر لێوی ئالیس کەوت، شوێنەواری بە جێ ئەهێشت.
وۆاهـ.
ئالیس لەو پیاوە دوور کەوتەوە کە گرتبووی، بە دەستی دەمی خۆی گرتبوو لە شۆکدا هەرکە هەستێکی بەرکەوتن هێشتا لەسەر لێوەکانی مابوون.
"ئەوە زمانت بوو؟" دەنگی ئالیس نزم بوو، وە دەنگێکی نووساو لە نێوان پەنجەکانی ئەبیسترا.
چاوە قاوەییە جوانەکانی جیمین لە خۆشییا ئەبریسکایەوە لە پشت چاویلکەکەی، تەنها بریقەیەکی بچووک بەدی ئەکرا لەناو چاوەکانی پێش ئەوەی پێکەنینێکی تاریک وا لە چاوەکانی بکا بچووک ببنەوە بۆ شێوەی مانگی یەک شەوە.
جیمین وتی، "من پێم وتی کە فەڕەنسیت فێر ئەکەم."
فەڕەنسی. ماچی فەڕەنسی، ئالیسی گەمژە.
لەگەڵ پێکەنینێکی بچووکی تر، جیمین هەردوو مەچەکی ئالیسی گرت و لە سەرووی سەرییەوە جێگیری کردن، نەیهێشت دووبارە ئالیس دەمی دابپۆشێ.
لێوی خوارەوەی ئالیسی گرت، پاشان زمانی لەسەری هێواش کردەوە پێش ئەوەی هێز بخاتە سەر لێوەکانی ئالیس بۆ ئەوەی بکرێنەوە و بە فوڵی بچێتە ناوەوەی دەمی.
ناڵەیەکی نەرم قوڕگی ئالیسی بەجێهێشت هەرکە جیمین ئالیسی توند پەستێوا بەخۆیەوە و هەستی سەیری لەسەر جەستەی ئالیس بە جێ ئەهێشت لەگەڵ هەر دەست لێدانێک.
ئالیس تەنها لەگەڵ ئەوە ڕانەهاتووە کە زمانی کەسێک لە ناو دەمی بێت.
جیمین دووبارە ئەوی سەرسام کرد بە ڕاکێشانی زمانی ئالیس بۆ ناو دەمی خۆی و لێسانەوەی. جیمین ناڵەی کرد، لەرینەوەکە لە لێوی جیمینەوە بەرەو لێوی ئالیس گواسترایەوە. وای کرد ئالیس موچوڕک بە بڕبڕەی پشتیا بێت.
کاتێک جیمین لە ئالیس دوورکەوتەوە، تاڵێکی باریک و تەنک لە لیک وەک پەیوەندییەک هێشتا لە نێوان دەمیان مابوو.
ئەوە زۆر پیس دەرەکەوێ، بەڵام لە هەمان کاتدا ئەمە وا ئەکات گەرمییەکی ئارەزوومەندانە بە ناو سکی ئالیسدا تێپەڕێ.
ئالیس خێرا ئاوی دەمی سڕی، سوور هەڵگەڕا.
پێکەنینێک لە قوڵایی سنگی جیمینەوە هاتە دەرەوە بەو کردارەی ئەو. هەردوو مەچەکی ئالیسی خستە ناو یەک دەستی، ئەوەی تریشی بەکار هێنا بۆ پیاهێنانی پەنجە گەورەکەی بە لێوە تەڕەکەی خوارەوەی ئالیس.
"وانەی دووەم تەواو، بەیبی. ئامادەی بۆ سێیەم؟"
لایەکی لێوی بەرزبۆوە بۆ زەردەخەنەیەکی لار.
"هێشتا ماوە؟" ئالیس بە باوەڕپێنەکراوییەوە وتی.
جیمین وازی لە مەچەکەکانی ئالیس هێنا و دەستەکانی لەسەر هەردوو لای ڕانەکانی ئەو دانا، بە دوای شتێک ئەگەڕا لەناو ئەو دۆڵابە گەورەیەدا.
"ئهم،" جیمین همی کرد لە وەڵامدا. "بەڵام شوێنێکی باشترم پێویستە."
"چی؟"
پرسیارەکەی ئالیسی پشتگوێ خست، جیمین ئەوی ڕاکێشا دەرەوەی دۆڵابەکە و لەبەردەم مێزێکی زیادە داینا کە بە دیواری ژوورە درێژەکەوە نووسابوو. ئالیس ڕێگەی بە جیمین دا بەرەو ڕووی بڕوات تاکو ڕانەکانی بەر مێزەکە کەوت.
"بوەستە!" ئالیس بە بەرزی وتی. "تۆ چی ئەکەی؟" لە جیاتی وەڵام دانەوەی ئەو، جیمین لە پڕ ئالیسی بەرز کردەوە، ماسولکەکانی گرژ بوون، و وای لە ئالیس کرد کە لەسەر لێواری مێزەکە دابنیشێت.
"جیمین!" ئالیس هەناسە بڕکێی بوو لە شۆکا هەر کە جیمین دەستی دانا لەسەر هەر یەک لە ئەژنۆکانی ئالیس و لێکی جیا کردنەوە بۆ ئەوەی بتوانێ لە نێوان ڕانەکانی ئەودا بوەستێ. ئالیس هەر قاچێکی لە هەردوو لای جیمیندا دانراوە، لەگەڵ دەستەکانی جیمین کە هێشتا لەسەر ئەژنۆکانی ئەون.
ئەو زۆر نزیکە، سەیری چاوەکانی ئالیس ئەکات لەگەڵ جەستەیان کە خەریکە تێکەڵ بە یەکتر ئەبن. ئالیس وا هەست ئەکا کە لەوانەیە سنگی بچێتەوە ناوەوە بەهۆی ئەو هەموو پەستانەی جیمینەوە.
لەم شوێنەوە، جیمین دووبارە دەمی ئالیسی ڕاوکرد و لێوی سەرەوەی ئەخوارد.
هەرکە جیمین ماچی ئەکرد، ئالیس زۆر سەرقاڵ بوو لەگەڵ لێوەکانی تا تێبینی ئەوە بکات کە پەنجەکانی جیمین قۆپچەکانی سەرەوەی کراسی قوتابخانەی ئەو ئەکەنەوە تاوەکو درەنگی کرد.
"ئەو نەفرەتییە چییە؟!" شنەیەک لە هەواکە ئالیسی وریا کردەوە کە بەر بەشی سەرەوەی سنگی کەوت و سەیری خوارەوەی کرد. قۆپچەکان بای ئەوەندە کراونەتەوە کە ئالیس ئەتوانێ بەشێکی بچووک لە سەرەوەی جلی ژێرەوەی ببینێت.
جیمین پێکەنی و دەستەکانی ئالیسی وەستاند لە دووبارە داخستنەوەی قۆپچەکان بە خێرایی. "بوەستە ئالیس، من پێویستیم بەو قۆپچە کراوانەیە. من کراسەکەت لەبەر داناکەنم."
جیمین دەستەکانی ئالیسی دورخستەوە و کراسەکەی هێنایە خوارترەوە، ئێستا ئالیس شانەکانی و ئێسکی شانی بە تەواوی ڕووتن.
"بەهەرحاڵ، هێشتا نا،" جیمین بە نەرمی کارەکەی تەواو کرد هەر کە سەیری ئالیسی کرد. پەنجەکانی بە درێژایی ملی ئەو بە نەرمی ئەخشان، گەرمییەکەیان ئەجوڵان بەناو چاڵەکانی ملی ئالیس و ئەو ڕووە تیژەی ئێسکی ملی. ئالیس لەرزی لە ژێر ئەو کێشە تێکەڵەی سەیرکردن و دەستلێدان، هەناسەکانی خێرا بوون کاتێک جیمین پەنجەی بەرەو ئەو بەشە ڕووتەی پێستی ڕۆشت بۆ ئەوەی دەست لە پڕووشەیەکی بچووک لە جلە دەرکەوتووەی ژێرەوەی بات.
"تۆ زۆر نەرمی،" جیمین بە دەنگێکی شیرین وتی، بە قورسی هەناسەی ئەدا.
"سوپاس؟" ئالیس وەڵامی دایەوە بەڵام زیاتر وەک پرسیارێک دەرئەکەوت، وای لە جیمین کرد پێکەنینێکی شاراوە بکات.
"ئەبێ هەموو کاتێک هەڵوێستت هەبێت، کیم ئالیس؟" جیمین پرسی، کراسەکەی کەمێکی تریش هێنایە خوارەوە بۆ دڵنیابوونەوە.
ئالیس زمانی لێ دەرهێنا.
جیمین زەردەخەنەیەکی لاری کرد، ئالیسی بە ڕانەکانی ڕاکێشا و ئەوی پەستێوا بەخۆیەوە.
"فریوم مەدە،" جیمین بە چرپەوە وتی. "من وانەیەکم هەیە ئەبێ تەواوی کەم."
لەگەڵ وتنی ئەمە، بە پەنجەیەک چەناگەی ئالیسی بەرز کردەوە و لێوە داخراوەکانی لەسەر ڕوومەتی ئالیس دانا. لە سەرەوە بۆ خوارەوە ماچی بچووکی بەسەر هەموو ڕوخسار و شەویلگەی ئەو بەجێ ئەهێشت، وە ئەوە ختووکەی ئەدا.
ئالیس پێکەنی و هەستی بە زەردەخەنەکەی جیمین کرد لەسەر پێستی بڵاوئەبۆوە.
بەڵام دواتر لێوە پڕەکانی کرانەوە و زمانی بەر پێستی ئالیس کەوت، وە پێکەنینە بچووکەکانی ئالیس لە ناو قوڕگی گیران و گۆڕان بۆ هەناسەی قوڵ. جیمین ماچی تا ڕادەیەک تەڕی بە درێژایی خەتی شەویلگەی ئالیس بڵاوئەکردەوە، بە هێواشی ڕێی خۆی ئەکردەوە بەرەو خوارەوەی قوڕگ و ملی.
ئالیس چەناگەی بەرز کردەوە و وای کرد سەری بەرەو پشتەوە بچێ بۆ ئەوەی گۆشەیەکی باشتر بە جیمین بدات.
"من تێناگەم،" ئالیس بە منگەوە وتی، هەناسەکانی ئەشێوان هەر کە جیمین گازی بچووکی لە پێستی ئەگرت. "چۆن ئەوە وا لە جاکسن ئەکات بەدوور بێت؟"
جیمین ئەوی پشتگوێ خست، بەردەوام بوو لە ماچکردنی ئێسکی شانی بۆ ساتێک پێش ئەوەی ئالیس هەست بە شتێکی تیژ و بە ئازار لە هەمان کاتدا خۆشیی بکات.
"ئاخ-" ئالیس بە ئازارەوە وتی. ئەم وشانە جیمین لە پێستی ئالیس دوورناخەوە. لە جیات ئەمە، لێسانەوە و ماچکردنەکە زیاد بوو بۆ شتێکی توندتر.
"هێی!" ئالیس پاڵی پێوە نا، سەیری خوارەوەی کرد و چاوی خستە سەر پێستی خۆی بۆ ئەوەی ببینێ جیمین چی کردووە. جیمین بە بەرزی پێکەنی و پەنجەی بەسەر شوینەکەدا هێنا. ئەوە کەمێک ئازاری هەیە.
"زۆر جوان دەرئەکەوێ" جیمین وتی بە دەنگێکی پڕ لە خۆشی. هەرچەندە ئالیس بەرگری کرد، بەڵام جیمین دووبارە ئالیسی ڕاکێشا بۆ لای خۆی و دەستی کرد بە ماچکردنی هەموو شانی و لای ملی.
"بوەستە لە درووستکردنی پەڵە لەسەر پێستم، جیمین!" ئالیس ئەمجارە دوورتری خستەوە، بۆ دەرەوەی ناو ڕانەکانی. ئەو هەستە قورسەی سەر ملی وا پشانی ئەدا کە هەندێک لە پەڵەکان بە ڕاستی گەورەو دیارن.
بە چ نەفرەتییەک ئالیس ئەوانە بشارێتەوە؟ قوتابخانە تاکە خەمی ئالیس نیە؛ ئەو برایەکیشی هەیە.
بەبێ باوەڕی سەیری قژ سوورەکەی ئەکرد، ئالیس چرپەی کرد، "نازانم کە ئەتوانم ئەوانە بشارمەوە یان نا."
"باشە." جیمین بە زۆر خۆی خزاندەوە نێوان قاچەکانی ئالیس و دەستەکانی لەسەر ڕانی ئەو حەساندەوە. ئالیس بەو ڕەفتارە ڕەنگی سوور هەڵگەڕا.
"نەخێر!" ئالیس بە خەمەوە وتی. "هیچ باش نیە! من چی بڵێم؟! خەڵک پرسیار ئەکەن—"
جیمین بە دەستی ڕوخساری ئالیسی گرت و وای لێکرد سەری بەرز بکاتەوە بۆ ئەوەی سەیری بکات.
"پێیان بڵێ کە خۆشەویستەکەت وای لێ کردووی،" جیمین بە دەنگێک وتی کە ئالیس سوێند ئەخوا سێ ئەوەندە لە دەنگی خۆی هێمنتر بوو.
لەرزی پیاهات لەو تۆنە قوڵە، ئالیس لێوی خۆی گەست و ئەوەی گەرووی قوتدایەوە.
"بەڵام-"
"بەڵام نییە." مامۆستاکەی ماچی خوارەوەی ڕوومەتی کرد، ئالیسی هێنایە خوارەوە لەسەر مێزەکە بۆ ئەوەی لەسەر قاچە بێهێزەکانی خۆی بوەستێ.
وۆاهـ، هێرشی مێشک.
هەموو جەستەی وەک جێڵڵی لێهاتووە. ئەلەرزی هەر کە هەوڵی دا بە دوای هەنگاوەکانی جیمین بکەوێ بەرەو ناوەڕاستی ژوورەکە. گەرمییەکەی هێشتا لەسەر پێستی ئالیس ئەجوڵێتەوە، وە لێوەکانی کاڵ و هەڵئاوساون بە ماچەکە.
هەرکە جیمین چووە لای دەرگاکە بە قورسی خۆی بە مێزێکی پێشەوەی ژوورەکە گرت.
"تۆ باشی؟!" ئالیس ڕای کردە لای، بە نیگەرانی بە دوای زیانێکی دیار لە جەستەی جیمین ئەگەڕا.
جیمین سەری ڕاوەشاند، بە قورسی چاوی ئەترووکاند.
"نەخێر، من باشم. تەنها سەرم سوڕا." پێکەنی و چاوی لە ئالیس داگرت. "لەوانەیە بەهۆی هونەری ماچکردنەکەتەوە بێت." ئالیس وتی و پێکەنی، ڕێگەی بە جیمین دا تا لەگەڵ خۆی ڕایکێشێتە دەرەوەی پۆلەکە، گڵۆپەکانیان کوژاندەوە و دەرگاکەیان لە دوای خۆیان داخست.

ـــــــــــــــــــــــ
Unedited