WHERE ARE YOU?
Echael's pov-
Tumunog phone ko.
Binasa ko yung message na galing kay Gab.
(Makikita mo siya sa Pisces Club. Doon siya nagtatrabaho ngayon.)
Sa isang Club?
7pm na kaya di na ako nagdalawang isip pa at pinuntahan ko na ang Club na yun. Pagdating ko naman pumasok ako.
Naupo ako sa pinakadulo at tanaw ko ang stage na may nagsasayaw na mga babaeng halos maghubad na sa suot nila.
Daming umiinom at nagta-table ng mga babae.
Saan dito si Natasha?
At bakit siya dito nagtatrabaho eh buwis buhay din tong ginagawa niya. Sa dami ng malilinis na trabaho bakit dito pa sa marumi pa sa mukha ni Satanas.
Pwede naman siyang mag-apply sa mga mall, mag-waitress, mag-janitor, o di kaya magtinda ng mga kung anu-ano diba? Di tulad dito na halos wala ka ng respeto pati sa sarili mo.
Pero sino ba ako para manghusga diba?
Pero kasi..
Babae siya.
Kaya ba niyang makipaghalikan sa kahit sino tulad ng mga babae dito sa tabi ko?
"Sir may order po kayo?" biglang tanong ng isang waitress na ang iksi rin ng suot na palda at ang kapal pa ng make-up. Tss. Ganito nga pala sa Club.
"Isang beer."
"Coming sir. Yun lang po ba?"
Eh kung orderen ko narin si Natasha?
"May kilala ka bang Natasha?"
"Si natasha? Bakit?"
"Pakisabi nandito boyfriend niya." ngiti kong sabi na ikinakunot ng noo niya.
"B..boyfriend? Ikaw?"
"Yep kaya pakitawag narin ako ok lang ba?"
"S...sige."
Parang nag-aalangan yung babae na umalis na.
Siguro dahil ngayon niya lang ako nakita.
Natasha's pov
Inayos ko ang palda ko. Ako na kasi ang susunod na sasayaw sa stage.
Humarap ako sa salamin at naglipstick. Nilugay ko narin ang buhok ko.
Ready na ako.
Sa gabi-gabi ko dito sa club nasanay na'ko.
Nawawala na yung hiya at kaba na nararamdaman ko noon.
Dito kasi madali ang pera. Isang kembot ko lang may libu-libo na.
Oo mahirap nung una pero ngayon wala na, wala na'kong maramdaman.
Kasi ko ng pera para sa kapatid ko.
Ako nalang kasi ang inaasahan niya.
Ayokong matulad siya sakin kaya nagsakripisyo ako, pati nga katawan at kaluluwa ko isinakripisyo ko narin.
