Differences (Completed)

ch50

"မမလေ မင်းကိုတကယ်အရမ်းလွမ်းနေခဲ့တာကီ သိရဲ့လား"

"ဒါနဲ့များတောင်ကျွန်တော့်ကိုအကြာကြီးပစ်ထားရက်တယ်လား မမရာ"

သူမကကျွန်တော့်မျက်နှာအားဆွဲယူပါ၏။ ထို့နောက်ကျွန်တော့်မျက်နှာအား တစိမ့်စိမ့်ကြည့်ကာ ကျွန်တော့်မျက်ရည်စတို့အားသုတ်ဖယ်၏။

"မွချ်"

သူမကပြုံးကာ ကျွန်တော့်ပါးပြင်အားမွှေးကြူလိုက်ပါ၏။ ဒီမမကတော့လေ တကယ်ပဲကျွန်တော့်ရဲ့စိတ်ကိုလုံးဝသိနေသည့်သူလိုမျိုးပါပဲ။

"မမကိုစိတ်မဆိုးနဲ့တော့နော် မမဘယ်တော့မှမင်းဆီကထွက်မသွားတော့ဘူး မမမင်းကိုအရမ်းချစ်တယ်ကီ"

ထို့နောက်သူမကကျွန်တော့်ရင်ခွင်ထဲခေါင်းတိုး၏။ သူမရဲ့ဆံပင်တွေကရှည်လျားနေကာ ကျောလယ်လောက်ရှိနေပြီဖြစ်၏။ သူမရဲ့ဆံသားတို့အားခပ်ဖွဖွမွှေးကြူတော့ လတ်ဆတ်သောမွှေးရနံ့ကိုရ၏။

"ကျွန်တော်လည်းမမကိုအရမ်းချစ်တယ် နောင်ဘယ်တော့မှမမကျွန်တော့်ဆီကထွက်သွားလို့မရတော့ဘူး မမကို..."

ကျွန်တော်ကစကားတို့အားချန်ကာထားလျှင်သူမက ရင်ခွင်ထဲမှထွက်ကာ ကျွန်တော့်အားမော့ကာကြည့်၏။ ကျွန်တော့်နောက်ဆက်တွဲစကားတို့အားမျှော်လင့်နေဟန်။သူမကထိုင်ခုံပေါ်ရှိနေကာ ကျွန်တော်ကသိပ်မမြင့်သောထိုင်ခုံအောက်မှာ ဒူးထောက်ကာထိုင်နေတာဖြစ်၏။ သူမရဲ့မျက်နှာလေးအားတစိမ့်စိမ့်ကြည့်ကာ အမြဲရည်မှန်းထားခဲ့ရသောအနာဂတ်စီမံကိန်းအားအကောင်ထည်ဖော်ဖို့ ကိုယ်ကိုအနောက်ရွေ့ကာ ဒူးတစ်ဖက်ထောင်လိုက်ရင်း  ဘောင်းဘီအိတ်ထဲက လက်စွပ်ဘူးအားထုတ်လိုက်ပြီး သူမရှေ့ဖွင့်လိုက်ကာ

"လက်ထပ်ခွင့်ပြုပါ ကျွန်တော်သာကီသွေးရဲ့ဇနီးတစ်ယောက်ဖြစ်ပေးပါ ကျွန်တော့်နားအမြဲရှိပြီး ကျွန်တော့်အချစ်တွေခံယူပေးနိုင်မလား."

ယနေ့မှ သူမအားလွမ်းလွန်းလို့ရေချိုးပြီးတာနဲ့ ကိတ်မုန့်တစ်ယောက်ထဲခွဲပြီး သူမအစားကြည့်ရအောင်ဆောင်လာမိသောလက်စွပ်လေးဟာ အခုတော့သူမရှေ့မှာ ဖွင့်ဟခံနေရပြီး ပိုင်ရှင်ခေါင်းညိတ်တာကိုစောင့်နေရသည့်ပုံ။ ထို့အတူကျွန်တော်သည်လည်းတစ်ဒိတ်ဒိတ်ခုန်နေသောရင်အစုံနဲ့အတူ သူမရဲ့အဖြေစကားကိုစောင့်မျှော်နေမိသည်။ ကျေးဇူးပြုပြီးလက်ခံလိုက်ပါ။ လက်ခံပေးပါမမဟုလည်းစိတ်ထဲတွင်ရိုက်ဟည်းကာ ပဲ့တင်ထွက်လောက်သည်အထိပြောနေမိသည်။