WISH (S - 1) [Completed]

40.1

[Unicode]

Warning : ChanYeol point of view လာရန် တပိုင်းအလို !!!

……………

အတူတူရှိခဲ့တဲ့ အချိန်ကာလတွေဟာ မိုးရွာပြီးစကောင်းကင်ပေါ်က သက်တံ့လေးလိုပါပဲ ။

ခဏတာနဲ့ ကြည်နူးစရာ အမှတ်တရတွေကို ဖန်ဆင်းပေးတယ် ။
………

ငါးလ… ။

မိုးဦးရွာတဲ့ ဇွန်လကို ရောက်ခဲ့ပြီ ။

ကျယ်ပြန့်တဲ့ ကုတင်ကြီးရဲ့ဘေး ဗီရိုပုလေးပေါ်မှာ ငါးထောင့်ကြယ်ပုံ ထွင်းထုထားတဲ့ အဝိုင်းသဏ္ဌာန် ကြေးနာရီအိမ်လေး ရှိနေတယ် ။ ဒီနာရီအိမ်ထဲမှာ ရှိနေတာဟာ နာရီမဟုတ်ဘဲ သံလိုက်အိမ်မြှောင်လေးသာဖြစ်တယ် ဆိုတဲ့ အမှန်တရားကို သိတဲ့လူ နှစ်ဦးတည်း ရှိလိမ့်မယ် ။

ဘတ်ဟျွန်းကို ပွေ့ဖက်ထားတဲ့ အဝတ်ဗလာနဲ့ သခင်ကြီးရယ်…
သခင်ကြီးရင်ခွင်ထဲက အဝတ်ဗလာနဲ့ ဘတ်ဟျွန်းရယ်… ။

" မိုးတွေ တိတ်သွားတဲ့အချိန် မင်းကို Stariway to Heaven ကို ခေါ်သွားမယ်… 
နှင်းတွေဖုံးနေတဲ့အချိန်ဆို ဆဲ့စ်ဟိုလ်(saxholl) ကသိပ်လှတာ … "

သခင်ကြီးရဲ့ ရင်အုပ်ဗလာပေါ်မှာ ငြိမ်ငြိမ်သက်သက်လေး မှီတွယ်ရင်း တက်တူးပေါ်က စာလုံးလေးတွေကို လက်ညိုးထိပ်လေးနဲ့ ခြစ်နေမိတယ် ။

n ú l l i …  နာလ် လီ … သုည … ။

" ရေခဗျေခ့်က ဖန်လုံအိမ်တွေဆီလည်း ခေါ်သွားဦးမယ်…  "

" နေပါဦး… "

အရိုးမရှိတဲ့ ပက်ကျိလေးလို ကပ်တွယ်မှီနေရာကနေ ဘတ်ဟျွန်း တံတောင်ထောက်ပြီး ဘေးစောင်းကာ ထလိုက်တယ် ။

"ဘာလို့လဲ……  "

သခင်ကြီးက ဘတ်ဟျွန်းကို ပြုံးပြီး ကြည့်နေတယ် ။

" Vik ဆိုရင် ဗစ်ခ် လို့ အသံထွက်တာ မဟုတ်လား… "

" မဟုတ်ဘူး… အိုက်စလန်စကားမှာ ဗစ်ခ် ဆိုတဲ့အသံမျိုး မရှိဘူး… vik ဆို ဗျေခ့် / ဗျစ်ခ် လို့ထွက်တာ…  "

"အာ… အသံထွက်ဖို့ ခက်လိုက်တာ…"

ဘတ်ဟျွန်း နှုတ်ခမ်းလေးကို ဆူရင်း မွေ့ယာအိအိပေါ်ကို ပက်လက်လေး ပြန်လှဲချလိုက်တယ် ။