[UNICODE]
ချူယုသည် အလိုလိုနေရင်းဖြင့်ပင် လုရှီးက စိတ်ဆိုးသွားမှာကို ကြောက်ရွံ့နေမိသည်။
ထိုအချိန်တွင်မှာပင် လုရှီးက တစ်ဖန်ပြန်မေးလာပြန်၏။
"စိတ်တွေ ရှုတ်နေတာလား...?"
လုရှီး၏လေသံက သူ့နားထဲသို့ ရောက်လာသော အချိန်တွင်၊ ချူယုသည် လုရှီးအား ဘယ်လိုပြန်ဖြေရင် ကောင်းမလဲဆိုပြီး အသဲအသန် စဥ်းစားနေမိ၏။
သို့ပင်မဲ့ သူဟာ လုရှီးကို ဘယ်လိုနည်းနှင့်မှ လိမ်လို့မရဘူး ဆိုတာကိုတော့ အလိုလို ခံစားနေမိလေသည်။
ဒါပင်မဲ့လည်း သူ့အိမ်မက်ထဲမှာ လုရှီးက မိန်းကလေး အဝတ်အစားတွေကို ဝတ်ထားသည့်အပြင်၊ သူ့ရဲ့ အပျော်မယားပါ ဖြစ်နေပြန်သေးသည် မဟုတ်ပါလား...၊ လုရှီးက သူ့ကို အသေရိုက်သတ်မည် ဆိုလျှင်တောင်၊ သူဟာ ဒီကိစ္စကိုတော့ ပြောပြလိုက်လို့ မဖြစ်ပေ...။
'ချူယု မင်းဟာလေ တော်တော်လေးကို ပြသနာ ရှာနိုင်တဲ့ကောင်ပါလားကွာ...'
သူသည် ထိုသို့တွေးလိုက်ရင်း၊ အထစ်ထစ်အငေါ့ငေါ့ဖြင့်ပင် လုရှီးကို လိမ်ပြောဖို့ကြိုးစားလိုက်သည်။
"ငါ... ငါမေ့သွားပြီ၊ ဟုတ်တယ် ငါ မေ့သွားပြီ...၊ ငါ သတိရတော့တာဆိုလို့၊ ကုလားထိုင် တစ်လုံးပေါ်မှာထိုင်ပြီး ကောင်းကင်ကြီးကို မော့ကြည့်နေတာပဲ သတိရတော့တာ...၊ ဘာ အချစ်ရေး ကိစ္စတွေကိုမှ မမှတ်မိတော့ဘူး...၊ ပြီးတော့ ဘယ်ကောင်လေးကိုမှ မိန်းကလေး အင်္ကျီမဝတ်ခိုင်းဘူး၊ မိန်းကလေး အင်္ကျီဝတ်ထားတဲ့ ကောင်လေးကို ရင်ခွင်ထဲ ထည့်ထားတဲ့ အကြောင်းကိုဆိုရင် ပိုလို့တောင် မမှတ်မိသေးတယ်..."
ချူယုသည် လုရှီး ယုံသွားအောင် အတွက်ဆိုပြီး သူ့ မျက်လုံးတွေကို အကျယ်ကြီး ပြူးပြလိုက်သေး၏။ စိတ်ထဲတွင်တော့...။
' ကျေးဇူးပြု၍ လုရှီး သူ့မျက်လုံးတွေထဲမှာ ဖုံးကွယ်ထားတဲ့ အလိမ်အညာတွေကို မမြင်တွေ့ သွားပါစေနဲ့...'
BẠN ĐANG ĐỌC
Bite Your Fingertips [Myanmar Translation]
Viễn tưởngEng Title :Bite Your Fingertips Short Title :BYFA lternate Title :咬上你指尖 Author :Su Jingxian Genre :Fantasy, Romance, School Life, Supernatural, Yaoi Original Author Link: https://www.z...