Bite Your Fingertips [Myanmar Translation]

Chapter - 31

[UNICODE]

နောက်တစ်​နေ့ မနက်​ခင်းစော​စောတွင်မူ ​​ကျောင်းရှိတာဝန်ရှိသူများသည် ​ချူယုတို့ဖြစ်ပွားခဲ့​သော ကိစ္စများနှင့် ပက်သက်၍ ​တစ်​ကျောင်းလုံးသိ​စေရန်အတွက် ​ကြေငြာချက်ထုတ်ပြန်လိုက်၏။ ​ကျောင်းသားများကလည်း ထိုကိစ္စကို သိသွားကြ​သောအခါ ​တော်​တော်များများ တအံ့တသြဖြစ်သွားကြ၏။

ထိုသတင်းနှင့် ပတ်သတ်ပြီး တစ်ချို့​ကျောင်းသားများ
ကလည်း တစ်​ယောက်တစ်​ပေါက်နှင့် ​​ပြောဆိုနေကြသည်။

"ကွမ်ရိယမ်???၊ ဒီနာမည်ကို ငါရင်းရင်းနှီးနှီး ကြားဖူးသလိုပဲ..."

"​ကျောင်းရဲ့ ပန်းပွင့်​လေးနဲ့အ​​လောင်းအစား လုပ်တဲ့တစ်​ယောက်​လေကွာ...၊ ​ကျောင်းရဲ့ပန်းပွင့်​လေး​​တောင်မှ သူ့ကို​ပြောလိုက်​သေးတယ်​လေ... 'ငါက မင်းလိုရုပ်ဆိုးတဲ့သားမျိုးကို မလိုချင်ဘူးဆိုပြီး' ဟ ဟ၊ ခု အဲ့ကွမ်ရိယမ်က ဒူး​ထောက်ပြီး အ​ဖေလို့ မ​ခေါ်ချင်တာနဲ့ ဒီလို​​တွေဖြစ်ကုန်တာထင်တာပဲ..."

"​အေးကွာ... အဲ့​ကောင်မို့လို့ မလုပ်သင့်တာတွေ ​လျှောက်လုပ်တယ်...၊ ငါသာဆို အဲ့လို​တွေ လုပ်ဖို့ ​တွေးကိုမ​တွေးရဲပါဘူးကွာ"

အကိုမုန်သည် ချူယုနှင့် ကွမ်ရိယမ်တို့၏ သတင်းကို ကြားခဲ့ပြီဖြစ်ရာ အခန်းထဲသို့ ​မြှောက်ကြွ​မြှောက်ကြွဖြင့် ​ပျော်ရွှင်မြူးတူးစွာ ဝင်လာခဲ့သည်။

"မင်းတို့ သတင်းကြားပြီးကြပြီမလား...?၊ ငါ​တော့ ​ပျော်ချက်ကွာ... ဘယ်လိုပြောရမှန်းတောင် မသိ​တော့ဘူး၊ ကွမ်ရိယမ် အပါအဝင် သူတို့သုံး​ယောက်လုံး ပက်ပက်စက်စက်ကို အ​ပြောခံ​နေရတာကွ..."

ကျန်းယဲ့ရှန်သည် မနက်စာ, စားပြီး​မှ ကျောင်းခန်းထဲသို့ ဝင်လာခဲ့သည်။ သူသည်လည်းပဲ ချူယုတို့ သတင်းကို ကြားခဲ့ပြီး ဖြစ်၏။

"ဒီကိစ္စကို ​ပြေရမယ်ဆိုရင် ​​မေးခွန်းစာရွက်​တွေ ခိုးတာက​နေ စ​ပြောရမှာပဲကွ...၊ ဟိုသတင်းအချက်အလက် ထိန်းသိမ်း​​ရေးဌာနက ဒါရိုက်တာရဲ့သား ရှန်ကျိုးမင်မို့ မကြောက်မရွံ့ကွာ.... သူမို့ ဒီလိုကိစ္စလုပ်ရဲတယ်...၊ အို... အို... အို ဒီလိုသတင်း​တွေကြားရဖန်များရင် ငါ့​ခေါင်းက ဆံပင်​မွှေး​တွေ​တောင် အသက် 30 မတိုင်ခင် ဖြူလာ​လောက်တယ်"