[UNICODE]
ကျုကျစ်ဖေသည် သူ့ရှေ့ရှိ ပန်းကန်ပြား အကြီးကြီးထဲမှ ထမင်းကြော်အား ပလုပ်ပလောင်း ငုံ့စားနေသဖြင့် လုရှီးက သူ၏ ပန်းကန်ပြားအား ချူယုကို လဲပေးလိုက်သည်ကို မမြင်လိုက်ပေ...။
ဝေ့ကောင်လိုင်သည် ရေနွေးကြမ်းအား သောက်ကြအုံးမလားဟု မေးကာ၊ သောက်မည်ဆိုပါက မှာရန်အတွက် လုရှီးအား ကြည့်လိုက်ချိန်တွင် မျက်လုံးထောင့်မှတစ်ဆင့် ထိုမြင်ကွင်းကို မြင်လိုက်၏။ သို့သော် သူသည် ဘာစကားမှ မပြောတော့ပဲ မမြင်ချင်ယောင်သာ ဆောင်နေလိုက်တော့သည်။
ပြီးခဲ့သော အပါတ်၊ သူတို့တွေ ဟော့ပေါ့အတူစားခဲ့စဥ် အချိန်တုန်းက၊ လုရှီး၏ ခံစားချက်နှင့် ပက်သက်၍ သူသည် မသေချာ မရေရာ ဖြစ်ခဲ့ဖူးသည်။
သို့သော် ယခုတစ်ခေါက်တွင်မူ မရေမရာ ခံစားချက်များမှတစ်ဆင့်၊ ရေရေရာရာ နားလည်သည့် ခံစားချက်ကို ခံစားလာရတော့သည်။
လုရှီးသည် ပါတ်ဝန်းကျင်သို့ ဂရုမစိုက်တတ်ပဲ သူလုပ်ချင်တာကိုသာ စူးစူးစိုက်စိုက်လုပ်တတ်မှန်း သူသိပေသည်။
သူတို့တွေ ဂိမ်းအတူကစား ကြသည်ဆိုရင်တောင် သူနှင့် ကျုကျစ်ဖေသည် နိုင်နိုင်, ရှုံးရှုံး ပျော်ရွှင်သွားတာပဲ ဖြစ်ဖြစ်၊ ဒေါသထွက်သွားတာပဲဖြစ်ဖြစ် အော်ဟစ်ပြီး သူတို့၏ ခံစားချက်ကို ဖော်ပြတတ်ကြသည်။ သို့သော် လုရှီးသည် နိုင်သည်ပဲဖြစ်ဖြစ်၊ ရှုံးသည်ပဲ ဖြစ်ဖြစ် ဘာအမူအရာမှ သူ့မျက်နှာမှာ မတွေ့ရပဲ ပကတိ အမူအရာ ပြောင်းလဲခြင်းမရှိပဲ တည်ငြိမ်နေတတ်၏။
သူလုပ်နေသော ကားမောင်းပြိုင်ခြင်းနှင့် ငါးဖမ်းခြင်းမှာလည်း ပိုက်ဆံရှာရန်အတွက် တစ်ခုတည်းသာ...၊ အခြားမည်သည့် ရည်ရွယ်ချက်မှ မပါပေ...။
ထို့အတူပင် စာမေးပွဲ ဖြေဆိုရာတွင် ကျုကျစ်ဖေသည် သူ၏ ဥာဏ်ရည်ကို ဘယ်လောက်တော်သည်ဆိုတာကို သူ့အမေကို ဂုဏ်ယူစွာ ပြောပြလိုခြင်းအတွက် စာကြိုးစားခြင်းဖြစ်သည်။ လုရှီးကမူ ထိုသို့မဟုတ်ပေ...၊ သူသာ စာမေးပွဲတွင် ပထမနေရာကိုသာ ရယူနိုင်ပါက Scholarship ရမည်ဖြစ်ပြီး ကျောင်းတက်ရာတွင် ပိုက်ဆံသွင်းစရာမလိုသောကြောင့်ဖြစ်သည်။ ထိုမျှသာမကသေး ကျောင်း၏ အဆင့်မြင့် အဆောင်တွင်လည်း တစ်ပြားတစ်ချပ်မှကုန်စရာမလိုပဲ အလကား နေခွင့်ရမည်ဖြစ်သောကြောင့် သူသည် 'ဘာကြောင့် ငါက ပထမနေရာကို မယူရမှာလဲ' ဆိုပြီး စာကြိုးစားခြင်းဖြစ်သည်။
KAMU SEDANG MEMBACA
Bite Your Fingertips [Myanmar Translation]
FantasiEng Title :Bite Your Fingertips Short Title :BYFA lternate Title :咬上你指尖 Author :Su Jingxian Genre :Fantasy, Romance, School Life, Supernatural, Yaoi Original Author Link: https://www.z...