يتيمة المشاعر

البارت الرابع

السلام عليكم

يتيمة المشاعر

نور ال زياده

نورزان: تمر الايام ونتغير، بس مهما نتغير تبقى عدنا طباع منكدر نتخلص منها....

، ولهذا العناد والتمرد، ابد متخلصت منهن،،

ام زيد: نورزان لتداومين مدرسه اليوم، اذا مريضه

نورزان: مابيه شي، راح اروح

زيد: عوفيها يمه هاي متمشي غير اللي براسها

نورزان: داومت، طبيعي، بس ثاني درس بديت اتعب، بحيث ماضل عندي حيل حتى اكعد، خليت راسي على الرحله،

واساسا الجو كان مغيم وممطر،...

اجت طالبه على الصف وكالت نورزان محمد، طالبيها
بالاداره،...

بس اني ماكدرت اتحرك، اخذتني البارده جسمي يرجف من الحراره، وماعندي حيل

راحت الطالبه بعد دقائق، اجى عمو رافي، استاذن
ودخل اجى يمي،

كنبص ولزم راسي وكال ...

رافي: شنو بيج نورزان شدتحسين؟

نورزان: مجاوبته، بس هو حط ايده على كصتي وكال...

رافي: هاي شنو مصخنه صايره نار،،!!!

اخ منج ومن عنادج شوكت تبطلي ؟

نورزان: كومني، واني وكفت بتعب،، وجسمي يرجف

نزع قمصلته ولبسها الي وسدلي السحاب....

واللفاف هم نزعه ولف راسي بي، لفلفني تلفلف، حتى ادفى

استاذن من المعلمه واخذني وطلعنا، والمطر علينه،

صعدني بالسياره، ورحنا للمستوصف الصحي، شافتني طبيبه

كان بلعومي ملتهب، وحرارتي عاليه، انطتني علاج، ورجعنا للبيت،...

اخذت العلاج ودفيت، كم ساعه وصرت احسن،،

بس ثاني يوم دريت عمو متمرض،..

لان لفني بملابسه وضل بملابسه الخفيفه ولهذا

ضل بردان، والمطر علي،،،،، كلش انقهرت،
وقررت ابطل شويه من، عنادي، لان عنادي صار ياذيني الي ولغيري،،

شويه، شويه بديت اتخلص من عاداتي المو حلوه، اللي ماكو احد كدر يخليني اغيرها
غير الحب والاهتمام ....

صح هنا بسيطات، بس الهن اثر كلش قوي بحياة كل انسان،...

وميحس باهميتهن غير الفاقد الهن، صح كان مناقصني شي واملك كل اللي اريده بس من تجيني هديه حتى لو بسيطه من عمو افرح، احس ملكت الدنيا، مجرد شخص يذكرني لو بشي بسيط
هل شي عندي كفايه،....

ومرت الايام وخلصت ايام الابتداءيه

وبيوم انعزمنا ببيت عمو نبيل على عيد ميلاد رافي
وكنت حايره شنو اخذ هديه للانسان الي صارلي اكثر من اب