السلام عليكم
يتيمة المشاعر
نور ال زياده
سمر: مر اسبوع ورافي معتكف عنا ميحجي اي شي
بس اراقبه من بعيد لبعيد
يمثل النوم طول الوقت وبس يشوفنه نمنه يكعد يدخن ويسهر الليل بطوله
بقينا اني وامي وسيف ويا بالبيت
مره كعدت نص الليل رحت لغرفته اشوفه مالكيته دورت البيت كله ماموجود،
عقل مضل براسي وكلت ويا نفسي...
ياربي وين راح؟
، ردت اكعد سيف، بس سمعت صوت طكطكة جداحه بره،
باوعت من الشباك وشفته كاعد بالحديقه ضليت اراقبه من بعيد
انتبهت كل شويه يمسح بعينه،
هنا عرفت اخويه فاض بي ماعاد يكدر حتى يخفي دموعه والمه
رحت عليه وسالته....
شتسوي كاعد لسه؟
انتبهة يمسح بعينه ويبعد وجهه عني
رحت كعدت بصفه، وهو يتهرب بعيونه اللي صايره
حمره دم، وكل حسره يجرها تهد جبل،
كتله...
وتالي ياعيني راح تضل هيج؟
رافي: ليش شنو بيه؟
سمر: هي هنا المشكله وهل شي اللي مرضك وجلطك، تسوي نفسك مابيك شي،
وانت تدمر بنفسك من الداخل، بس لشوكت؟
رافي: خلص ماعاد اكو شي ادمر نفسي على موده
باعتني واختارت طريقها وابويه هم ماقصر
ماشاء الله الغدر اجاني من اقرب الناس الي
سمر: ترا نورزان مجبوره على الزواج مو برضاها يعني ماغدرتك
وكلشي قسمه ونصيب وهي مو نصيبك
جاوبني بعصبيه ...
رافي :شنو انتي تعلميني بنورزان، ؟؟
اني اعرفها كلش زين...
ماكو احد يكدر يجبرها على شي
تكلب الدنيا على روسهم،ان لزم الامر
العرس تسوي عزه اكشر عليهم
متتزوج وميهمها حتى لو يموتوها
اني اعرفها شكد قويه اني اللي ربيتها واعرف
متستسلم بهل السهوله الااذا هي برضاها
او اختارت الطريق الاسهل او يجوز عجبها حسام بيك
سمر: صدكني رافي نورزان مجبوره
رافي: لتكملين،،،، خلص ،،،
هيه اختارت طريقها والله يوفقها
أنت تقرأ
يتيمة المشاعر
Romantizmشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
