السلام عليكم
يتيمة المشاعر
نور ال زياده
نورزان: حسيته انصدم من سمع صوتي
الضاهر فقد الامل انو بعد ادخل بيتهم
كعد على حيله مصدوم وبعدها، كام وكف كدامي
باوع بعيوني، صار يتنقل بلهفه بين عين والثانيه
وكال....
رافي: نورزااان، ممصدك عيوني! !!
نورزان: البقاء لله والله يرحمه ويجعل مثواه الجنه
رافي: ونعم بالله (نزل راسه وتنهد تنهيده طويله)
نورزان: شلونك؟
رافي: عايش على الله، انتي شلونج؟
ليش واكفه تعالي كعدي
نورزان: كعدنه واحد بصف الثاني على مسافه
رد رجع باوع بوجهي، وماحجى ولاكلمه
عبالك مضيع شي ويدوره بوجهي
حتى خجلت من نضراته، نزلت راسي
هو الضاهر انتبه، ونزل عيونه،
وكتله....
انته اول واحد علمني شنو ايمان، وشنو صلاه
وصوم
وحتى مساعدت الاخرين،
علمتني القضاء والقدر، صح لو اني غلطانه؟
رافي: صح، وانتي كنت تلميذه شاطره
نورزان: لعد ليش مدتطبق اللي علمته الي؟
ادم استشهد وراح عند رب كريم،
والله بشر الشهداءبالجنه،
يعني ياريت احنا هم الله يبلغنه الشهاده
ونصير ويا،
هذا حزنك لاراح يرجعه، ولايغيرمن قدره شي،
اللي دتسوي قلة ايمان، واعتراض على حكم رب العالمين،
واني اعرفك انته شخص مؤمن، شنو اللي تغير، ومسوي هيج بحالك؟
رافي: بحياتي معترضت على حكم رب العالمين
بس الفراق صعب، وبالنهايه اني بشر
نورزان: لتزعل مني بس اني مااحب اشوفك هيج
حقك تحزن، امنت بالله،
بس مو من حقك، تخلي حزنك ياثر على حياتك وحياة الاخرين
رافي: مامئثر على احد
نورزان: لا مئثر على صحتك
وعلى اهلك وعلى اهل صديقك، اللي حزنك اخذك منهم
ومافكرت شلون تعوض غياب ادم،
وانته تعرف كلش زين اخوته مو اوادم هو من كان عايش ماقدمو شي اله ولالامهم،
مو هسه ومات، وترك بعده ايتام...
ادم ميريد حزنك، يريد توكف ويا عائلته، بعد ماهو راح
رافي: كلامج صح فعلا حزني ماخلاني افكر بهل
الموضوع
نورزان: روح شوف ام ادم واكيد انته مراح تقصر وياهم،
أنت تقرأ
يتيمة المشاعر
Romanceشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
