السلام عليكم
يتيمة المشاعر
نور ال زياده
ريام: اجى والدي من السفر وعرف باللي صار بنورزان كله وراح على بيت حسام واخذ عمامي وولدهم وصارت هوسه بس مااخذ لاحق ولاباطل حسام صلف ومينكدر اله بسهوله، ومعتبر نفسه صاحب الحق وفوكاها يهدد بس تصحى ياخذها
ويرجعها لبيته
مر كم يوم ورافي اخذ موبايل نورزان وموبايلي
مااعرف شنو ديخطط بس اعرف عندي ثقه بي
وراح يسوي كلشي علمود نورزان
بعد مااجى والدي رافي تقيد صار من يريد يجي يتاكد عدم وجوده يله يشوفها، كنت دائما اراقبه من يجي يشوفها شلون يكعد يمها ويحجي وياها
ويعبر عن مشاعره وشوقه الها، كان منهار من الداخل وبنفس الوقت يحاول يكون قوي
كل ميجي يطلع عيونه حمره
ومن اشوف حاله وحالها اشبع قهر ومره اجى بعد ماتاكد ماكو احد كعد يشوفها ويسولف وياها كانما كاعده وتسمعله
سمعت صوت ورايه يهمس، الحب حلو موصح
نداريت وشفت دكتور خالد ارتبكت من قربه اصلا صايره اتوتر ومااعرف شيصير بيه من اشوفه
باوعت عليه
وكلت
صح الحب حلو بس صعب
د خالد: مو كل حب صعب، اكو حب حلو وسهل
بس الحب المستحيل يكون صعب ومتاكد رافي ونورزان من اول يوم يعرفون قصة حبهم مستحيله وصعبه ومع ذلك قرروا يمشون بهل الطريق مع انوا صراحه محد يختار اللي يحبه الكلب واختياره
ريام: ماكو شي بعيد عن رب العالمين واتمنى يجي اليوم اللي ينجمعون
د خالد: بابتسامه ماكره،،، زين واحنا شوكت ننجمع؟
ريام: نصدمت من كلامه وماعرفت شنو ارد عليه
د خالد: ههههه، ها اشو سكتي نسيتي انتي مواعدتني اذا عنست انتي تاخذيني هاهيه عبرت ال ٣٠ سنه يعني ماكو بعد احد يكلبني، وصار الوقت تنفذيين وعد، يكولون وعد الحر دين
ريام: ارتبكت من جرئه مالته،بس قويت نفسي وحجيت،
ويكولون لتمشي ورا كلام الزعايط
د خالد: ههههه لا، لا ممرجيه منج تبيعين الوعد
وبعديين ممسموح تكولين على زوجتي المستقبليه زعطوطه (وغمز بعينه)
ريام: حجى هل الكلام وعافني وراح واني مااعرف شصار بيه احس حتى صخنت وجسمي يرجف
لان حسيت كلامه مو شقى معقوله هذا يحجي صدك ياربي، صرت بس افكر بكلامه واسرح بشكله
نساني حتى اني ويين اول مره احس بهل شعور شكد شباب بالكليه وابن عمتي وغيره توددوا الي بس ماعبرت واحد ولاحركوا بيه ساكن بس خالد
مااعرف شسوى بيه معقوله حبيته!!!
************************""""
سيف: لتخبلني انت دتلعب بالنار وراح تحركك انته تعرف كلش زين هذا لاذمه ولاضمير اذا اللي يحبها وكتل روحه عليها دمرها، انته شراح يسوي بيك
أنت تقرأ
يتيمة المشاعر
Lãng mạnشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
