السلام عليكم
يتيمة المشاعر
نور ال زياده
ريام: اليوم عرس نورزان بس موعرس عبالك فاتحه
والعروس هي الميت...
احس اختي بلاروح
رغم طلعت تجنن بس مع الاسف هل الجمال
راح تروح لشخص ميستحقها
،
كاعده على الكوشه مثل الاميرات بس الحزن
هو اللي معتلي ملامحها،
وعيونها ذابله وحزينه من التعب والدموع والسهر،
اجتي سمر .....
شويه واجاها اتصال، حجت واجت انطت
الموبايل لنورزان،
اني مباشر عرفت منو وحتى نورزان عرفت لان اخذته وايدها ترجف، والتوتر والارتباك عليها واضح
حتى الكاعدين سالوا منوو؟؟ اللي دتحجي وياا،؟
لان اهل والدي ميعرفوا لرافي ولاشايفي
امي مباشر بتوتر ردت....
ام زيد :هذا رافي ابنه لابن عمي هو رباها وعلمها
اكيد، ديباركلها لان كلش يعزها
ضحكت بداخلي، وكلت اي وخوش جازيتوا
على تعبه طعنتوا بضهره والله واعلم شنو
هسه حاله
نفضت افكاري من انتبهت لاختي،
بس كالت الو....
بعد ثواني صارت الدموع مثل الشلال، تنزل
بحركه والم
حتى من تسد عيونها وتفتحهم كانما روحها تطلع وترجع،
لحد ماخلصت المكالمه هيه مانشفت عيونها
حتى الكحل سال..
واخر شي كلتله..... اسفه،
عرفت كلام رافي كان خناجر تنبت بصدرها وتزيدها الم فوك المها
كلها ضلت تسال ليش هيج ردت فعلها وتبجي
بهل حركه؟
نورزان: اجت سمر انطتني موبايلها،
كلبي حسيته راح يطلع من مكانه، خايفه ومرعوبه من المواجه
شنو اكله ؟وشنو ردي على غدري اله؟
وهو شنو ردت فعله على زواجي،؟؟
توترت، بشكل مو طبيعي
اخذت الموبايل وايدي ترجف، اول ماخليته على
اذني وكلت الو اجاني صوته....
رافي: شلونج ياوجعي
شلونج يا لوعة كلبي
همزين من سمعت صوتج بعد كل هل المده
بس ماكنت اعرف راح اسمعه وانتي ملك لغيري
اليوم....(وجر حسره بقوه )
اليوم رافي اللي رباج واللي علمج وحماج وسندج
راح يكلج الف مبروك، وديربالج على نفسج
وان شاء الله تعيشين سعيده بحياتج
أنت تقرأ
يتيمة المشاعر
Romanceشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
