السلام عليكم
يتيمة المشاعر
نور ال زياده
نورزان:وصلنا للبيت وتفاجئت بوجود اهلي كان الوضع جدا غريب سلمت ودخلو الجنط
لكيتهم محضرين غرفت رافي القديمه النا
حاولت افهم شنو الصاير بس ماكو احد يرد
مر اليوم عادي وانتبهت شرطه يم الباب هنا بعد ماتحملت صرت عصبيه اني اصلا وضعي ممتحمل
فهمني لخاطر الله شنو صاير ولتكلي ماكو شي ترا اعصابي تعبت؟
رافي:اهدي ولتخافين ماكو شي باعي
اليوم المسجونين بسجن ابو غريب ،هربو من السجن
وصايره ضجه وحتى مدير السجن متصوب
نورزان:اي وشنو يعني؟
رافي:مع الاسف من ضمن اللي هربوا حسام
نورزان:شنوووو؟!!
رافي:لتخافين حبيبتي اكيد راح يلزمو بس للامان احنا راح نضل هنا والوزير -------- بنفسه اتصل بي الوالد ودزلنا حمايه النا ولبيت اهلج للامان ولو هسه هو حاير وين يضم روحه لان يعرف يدورون عليه
نورزان:ياربي ،شلون بينه ليش ممكتوبلنه نرتاح
رافي:كولي ياالله ازمه وتعدي ان شاء الله يلزموا وكلشي ينتهي
نورزان:حضني يحاول يطمني ويهدئني بس اني احس كلبي مقبوض ويوجعني ممرتاحه وصار هوسي برافي كل ميتحرك لو يريد يطلع امنعه الخوف سيطر عليه
الى ان يوم بالليل نايمين اجاني مسج على جهازي
(ها حقيره تزوجتي وراح تصيرين ام ابنه واني حرمتيني من كلشي عبالج اعديها الج حسابج صار ثكيل وصار الوقت تتحاسبين )
قريت هل الكلام وماضل عقل براسي جسمي كله صار يرجف وكلبي يريد يطلع من مكانه من التوتر والخوف
رافي:شبيج حبيبتي شصاير اهدي مو راح تموتين شجاج؟
نورزان:اقرا شوف شدزلي
رافي:لاياحقير يانذل على هل الكلام
نورزان :حاول يهدئني واني متمسكه بي وحاضنته من الخوف وهو اتصل مااعرف بيمن يفهمهم اللي صار عم الهدوء وخلصت هل الليله الكشره بطلاع الروح
وثاني يوم الكل مستنفر ضلينا اسبوع على اعصابنه والولد كلهم ميطلعون ومسواك يتصلون يوصلوا للبيت واهلي كذلك كان اطول ايام مرت بحياتي
انتضار المجهول اصعب شي
ومره خلص دوا عمو نبيل اتصلو بصديقهم صيدلاني
طلع هذا الدوا ممتوفر ماعدهم انجبر رافي واحمد يطلعون يجيبوا
بس اني ضليت على اعصابي كل شويه متصله بي اخاف علي
كنت احجي ويا بالتلفون واسمع صوت طلق ناري جنيت وفجئه سمعت خبصه واحمد يصيح على رافي ونقطع الاتصال رجعت اتصلت كذا مره ماكو احد يرد
هنا تخبلت مضل بيه عقل تاكدت بيهم شي اتهسترت وانهاريت وجسمي كله يرجف واحس نفسي نقطع اجوي كلهم عليه يحاولون يهدئوني بي اني وضعي كله تخربط وفقدت وماحسيت بشي
أنت تقرأ
يتيمة المشاعر
Romanceشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
