يتيمة المشاعر

البارت الرابع والعشرين

السلام عليكم
يتيمة المشاعر
نور ال زياده

نورزان: خلصت الامتحانات ووالدي سافر لكركوك
عنده شغل،

امي هي وريام راحن للسوك يشترن غراض،

اني استغليت الفرصه وكلت صار الوقت افتح الموضوع ويا زيد

رحت عليه لغرفته،طرقت الباب واجاني صوته دخلت

وكتله...

زيد اريد احجي وياك

زيد: اي تفضلي

نورزان: اني نفذت الاتفاق وهسه اجى الدور عليك

زيد: يااتفاق؟

نورزان: شنو يااتفاق شنو السالفه انته مو كلت بس تخلص الامتحانات افسخ الخطبه، وانته تساعدني

زيد: ههههههه، هاي انتي بعدج بيازمن بابا

نورزان: تفاجات !!من كلامه كتله شنو قصدك!!!؟

زيد: بابا هاي ياخطوبه تفسخيها، وبعدين وين تلكين احسن من حسام، اعقلي، وعوفي هل السالفه

نورزان: انت دتتشاقى مو صح؟

زيد: ليش هل مو ضوع بي شقى،

نورزان: ووعدك الي واتفاقنا

زيد: بلي واشربي ميه، انتي ثوله وتريدين تخربين حياتج قابل احنا هم ثولان

نورزان: انته كل عقلك تحجي؟!!

، ليش هو بكيفك انته لو غيرك تحدد مصيري،؟

واذا على الثول فصدك ثوله لان صدكتك وانت اكبر حاقد واناني

حصلت اللي تريده وهسه شلت ايدك مني

بس مصار شي....

سواء وافقتوا ولا لا مراح ابقى ويا حسام

هسه اتصل بي وانهي كلشي واشوفكم، شلون تضحكون عليه

عفته ومشيت لغرفتي ومقرره اتصل بحسام وانهي كلشي

بس  مااحس غير انجر من شعري والضرب مااعرف مين يجيني والغلط

زيد: تريدين تنفذين اللي براسج وتخربين كلشي بنيته وسويته

اموتج ومااخليج تسوين اللي ببالج

مو علمود عاجبج وماعاجبج يخرب زواجي

اشو تتزوجين حسام ورجلج فوك راسج

نورزان: انته اكبر حقير، ونجوم السما اقربلك

لتصدك اضحي بروحي حتى ارضيك انته والخاتون مالتك

من البدايه عرفت كلها لعبه وحنيتك كذب بكذب بس كلت لا مهما يكون اخويه لحمي ودمي ممعقوله توصل بي يغدرني

بس نسيت انته شكد اناني ومستعد تبيع الكون كله علمود نفسك

زيد: احجي منا لبعد سنه ميتغير شي وانتي لحسام
واني اخذ رفل، ولطخي راسج بالحايط