يتيمة المشاعر

البارت الخامس عشر

السلام عليكم
يتيمة المشاعر
نور ال زياده

نورزان: من سمعنا كلام ام وسن انصدمنا
اني ماكنت اعرف بتلفيق امير وكلامه....

وام وسن الحاقده ماقصرت،...

لمن سمعنا الكلام امي وابويه سكتو ماردوها
ومباشرتا بدون كلام ترخصوا

رجعنا للبيت..

اول مادخلنا البيت مااحس الا راشدي فر راسي
فر وحتى حلكي نجرح وطلع دم...

ابويه ماخلى حجايه ماحجاها ولاغلط ماغلطه عليه
وكل مااريد احجي وافهمه الموضوع تجيني
كفخه جديده وحتى شعري جره وتكطع بين
ايده ...

وامي ويا تحجي وماادخلت وحاولت تدافع عني
بالعكس صارت  تكول ...

ام زيد :لو مزوجيها لاحمد وخلصانين من عارها هوايه احسن

حسيت الدنيا ضاقت بعيني، اذا اهلي هيج
تعاملو ويايا وماصدكوني مااعتب بعد على الغريب..

بديت احس وجهي نار بي من الضرب...

حتى عيني عبالك جدحت من اجتها ضربه قويه ...

بس اللي شوطني صدك وخلاني اوكف واتمرد
لمن قرروا يحطمون مستقبلي من سمعته
كلي....

ابو زيد :تبطلين من الكليه واول واحد يدك الباب نزوجج.

هنا شياطين الدنيا تربعت براسي كل شي ولا دراستي ...

كلت عليه وعلى اعدائي وكلتلهم...

شكرا على هذا موقفكم بدال متسمعوني وتوكفون
بوجه اللي يحجي عليه وعلى تربيتكم
صرتو ضدي حتى بدون ماتسمعوني...

لعد خلي اكلكم الحقيقه، اللي ادري بكل الاحوال
متهمكم لان انتو تريدون عليه الغلطه والزله...

اصلا من اني وصغيره احس نفسي زايده عليكم
وتريدون تخلصون مني ومن مسؤوليتي
لسبب للان مااعرفه

امير تحرش بيه ويضايقني من فتره طويله
واني اخاف احجي الكم لان اعرف بدال
متروحون تحاسبوا، تحاسبوني الي ...

ومو بعيد  تحملوني الي المسؤوليه...

وحتى تصرفون مثل هاي التصرفات ويايه

ولهذا اني بعيده عنكم لان بحياتكم ماتفهمتوني
ولاوكفتو ويايا

غيركم يدافعلي ويتصوب علمود يحميني...

وانتو تصدكون اي واحد يحجي باي تفاهه عليه ...

بس صدكوني يوم اللي تسووها صدك وتقررون
تزوجوني غصب معناتها شلتو ذنبي...

وتنسون عدكم بنيه اسمها نورزان

ام زيد: اي يطبج مرض فوك مرض تلصمين حلكج
لاافكس عينج هاي الطالعه...