يتيمة المشاعر

البارت الثامن والثلاثين

و لسلام عليكم
يتيمة المشاعر
نور ال زياده

سمر: يمعود اتصلت بي بس ميرد وحتى دزيت رسائل هم ماكو اخاف بي شي؟

سيف: لتخافيين ونصي صوتج لتسمعج امي وشيخلصنه، قابل صغير هو مابي شي هسه شويه ويجي

مروه: ها كدرتوا توصلوله لو لا؟

سمر: ماكو راح اتخبل وين صار

مروه اخاف بالمستشفى راح يشوفها اتصلوا بريام وشوفوا

سمر: اتصلت عليها، تكول اجى وشاف نورزان وبعدها راح وهاي السالفه صارت قبل كم ساعه يعني المفروض هسه رجع

*****************
ريام: رفعت راسي وانصدمت باللي شفته ياربي رحمتك واخيرا اختي صحت

صرت مثل المجنونه من فرحتي ابجي واضحك بنفس الوقت ومااعرف شلون اتصرف
رحت ركض اشوف طبيب

اجوي الاطباء شافوها وهي توون مااعرف شنو بيها
نحجي وياها مترد فاتحه عيونها وتباوع بالفراغ عبالك بغير عالم فحصها الطبيب
وهي مويمنه

الطبيب: الحمد لله على سلامتها الله قدر ولطف ورجعت

ريام: دكتور فدوه شبيها اشو مترد ومدري شلونها وضعها غريب

الطبيب: بابا صارلها شهر ونص بغيبوبه تريديها اول متصحى تكون طبيعيه وتاخذكم بالاحضان ويين احنا اخاف انتي بمسلسل هندي اول ميصحى المريض عبالك قبل ساعه كان نايم، انتضري عليها خلي تصحصح ويبدي جسمها ودماغها يعيد برمجته وتستوعب وشويه وتعرفكم، لتستعجلين وحمدي ربج اللي لطف بحالها، وتوقعوا منا وجاي تكون عدها ردات فعل غريبه ونفسيتها تكون تعبانه بسبب اللي مرت بي فطولوا خلك وياها

ريام: عافني وراح واني من الفرحه نسيت حتى اتصل باهلي

ردت اتصل وتذكرت كلت لا هل الخبر اول شخص المفروض يفرح بي رافي مااخبر احد غيره اريده اول شخص تشوفه ويشوفها

اتصلت بي كذا مره ماكو ميرد، اتصلت سمر عليه
الضاهر هي هم مدتوصله مكلتلها على نورزان
صحت
ضليت اتصل وماكو نتيجه

******************
سمر: ها شباب بشروا وينه مالكيتوا تاخر الوقت وين صار

احمد: ماكو بكل مكان دورنه ماكو فص ملح وذاب

سمر: بدموع) اخاف صار بي شي اتخربط الا ممعقوله كل هل الوقت وين يروح

**************
رافي
______

الكلام االي سمعته كان صعب عليه الى درجه كل كلمه تكولها ريام كانت احسها خنجر بنص كلبي
احس ناري مدتطفى

شلون هيج اذوها شلون كلبهم انطاهم يدمروها بهل طريقه وهي شلون تحملت كل هل الالم والضغط النفسي

شكد كنت اناني واني الومها وهي بالمقابل دتحارب الكل حتى تخلص نفسها وتحميني،

طلعت من المستشفى لان احس روحي اختنكت
وكفت السياره ونزلت على النهر بالجادريه