يتيمة المشاعر

البارت التاسع

السلام عليكم

يتيمة المشاعر

نور ال زياده

نورزان: من شفت السوار وكع من الكيس تفاجات
وماعرفت شنو احجي...

بس اشو بدون نقاش مباشرتا...

وسن بلشت هجومها ونضرتلي نضرت استحقار وكالت....

وسن: شنو هاي ليش هيج نورزان، مو احنا معتبريج اختنا وطول الوقت مامنين بيج، هاي تاليتها
شيسوي سوار اختي يمج؟

نورزان: اني هنا جمدت ونعقد لساني، واستغربت الموقف، ردت ارد بس سيف سبقني

سيف: الله، الله، شنو هل الفلم الهندي، القديم مال ايام السبعينات، بس للامانه كان الاداء جدا سيء

وسن: شنو هل الكلام هاي فوكاها

رافي: شكو شنو صاير؟

وسن: هذا اللي صاير (ورفعت السوار بيدها)
سوار اختىي بكيس نورزان بايكته

رافي:(بعصبيه) سدي حلكج والله لو ما بيتنا وانتي بنت عمي كان عرفت شنو اسوي،

بايكه شنو، شنو هل الكلام،؟

لا وعليمن، على اللي مامنين البيت كله بيها، تطب وتطلع وذهب البنات على الكومديات وفلوسنا وغراضنا بكل مكان

مايوم نقص منهن شي، وبعدين هي محتاجه سوار حتى تاخده منجن لو هي بنت فكر ومشايفه

فرح:(ببكاء) هاي مو حاله يعني توكفون ويا الضالم على المضلوم، هاي فوك متاخذون حقنا، لو منكم
ماخليها بعد تعتب عتبة هل البيت

سيف: هنا بيت القصيد، بس ابشرج فلمجن قديم وخايس...

، الدنيا تطورت، انصحجن تغيرن، على التركي، الامريكي، يابه حتة لو المصري هم اوجه
لان الهندي كلش اوفر ومكشوف

سمر ومنال: شباب اهدئوا، سوء تفاهم وينحل
ماكو داعي يكبر المو ضوع كلنا اهل

وسن: احنا اهل بس انتو صرتو توكفون ويا الغربه
علينا، ويا الناس المامربايه واللي تمد ايدها على غراض غيرها

نورزان: من حجت هل الكلام مضل عقل براس

جاوبتها ...

باعي لهنا وبس للان ساكته احترام لاهل البيت كلمه ثانيه اشوفج الغريبات والمامربايات شلون يصيرن
(بس المشكله لاارادي هانت عليه روحي ودمعه طفرت من عيني)

باوع عليه رافي وصار كتله من نار كلي ...

رافي: امسحي دموعج لااحرك البيت، حرك
وانتن كلمه ثانيه انسه انتن بنات عمي، واسوي سوايه، بحياتي مطالعه مني

وهاي المامربايه تربيتي، يعني تتهمنها، وتعيبن بتربيتي

وسن: لا رافي حشاك مو هذا قصدنا