السلام عليكم
يتيمة المشاعر
نور ال زياده
نورزان:فتحت الرساله وانصدمت بالكلام
(مبروك مؤقتا ،راح اخليج تفرحين كم يوم وارجعج الي ،انتي ملكي ومتصيرين لغيري)
قريت الرساله وجسمي انتفض من الخوف شنو السالفه معقوله طلع لو شنو بالضبط مافهمت
بهل الاثناء سمعت رنة تلفوني فزيت ووكع من ايدي
رجعت شفته ،طلع رافي ضليت متردده ارد ولا لا
دموعي تجمعت بعيني الضاهر حسام مراح يعوفني بحالي ياخوفي يرجع ويحاول يسوي بينا شي لو اني لورافي ،ضل رافي يلح بالاتصال كلت خلي ارد
ومااحجي شي واخرب فرحته اليوم وباجر اسولفله كلشي ومااضم عليه مثل قبل بلكي هو يحلها
رديت علي وسلمت
رافي:اخاف مشغوله ؟
نورزان:لا حبيبي ماعندي شي
رافي:فدوه لحلكج اللي يكول حبيبي،تدرين اني اليوم اسعد انسان بهل الدنيا ولو بيدي اطير هسه واجي يمج
نورزان:هههه ،على كيفك مستر روميو وين تطير وتجي غير جدي يشمرك من السطح
رافي:اكله حفيدتك دزت عليه وكالت تعال مشتاقتلك
وجدي نايم
نورزان:،انته صاير فد مره اللي يسمعك قبل 10ايام ميسمعك هسه وانته تسولف وتتغزل
رافي:امشي لج حقوده متنسين شي كلبج اسود
ليش هو اني اكدر انفذ من يكون الموضوع بي انتي
شليتي حالي بهل العشر ايام حتى نوم مانام حجيت اللحجايه وتورطت وورطت ويايا سمر وسيف
نورزان:هههههه،هذوله مساكين ابتلوا بينه
صدك تعال كلي شنو السالفه للان افكر شلون ابويه وافق وشنو الصار ،وشوكت اتفقتوا؟
رافي:قبل كم يوم واني بالشركه كاعد مااشوف غير ابوج جاي باتجاه غرفتي فات وسلم ،رحبت بي عادي
وباركتله على خطوبة ريام
وبعدها اشو اعتذر مني اني نصدمت ابو.زيد يعتذر لا هاي ماصايره
وكلي
ابوزيد:ابني اني اعتذر منك بالنيابه عن زيد واشكرك بنفس الوقت رغم اللي صار مااشتكيت علي
وصراحه كبرت بعيني اكثر من سمعت كلامك انته ونورزان من كلت اكدر استغل الموقف واسجن زيد ومااطلعه الا ينطوج الي بس انتي مو سلعه واقايض بيها ،هل الكلام كلش كبرك بعيني وفهمني انته شكد شاريها لبنتي،واتاكدت من معدنك
رافي:اللي سويته لان اعتبر نورزان عرضي حتى لو ماتزوجتها ووضيفتي احميها حتى من نفسي ان لزم الامر
ابوزيد:اني طول عمري احترمك واقدر شخصيتك واخلاقك وحتى كنت دائما اكول لزيد صير مثل رافي وليش اكذب كنت اتمنى يكون ابني مثلك
أنت تقرأ
يتيمة المشاعر
Lãng mạnشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
