يتيمة المشاعر

البارت الثالث عشر

السلام عليكم
يتيمة المشاعر
نور ال زياده

سيف
______

سيارتي عطلت وديتها للصناعه حتى اشوف شنو بيها
اقل الساعه اتصل بيه صديقي حسن
وصدمني بالخبر!!!

حاولت اتماسك، واكول ويا نفسي، يمكن حسن يشاقه، ؟

ممعقوله هل شي صار

بس من حلفلي واكدلي، كل امالي انو اللي سمعته
مااله وجود تبخر....

احس تجمدت بمكاني وتربطت مااعرف شنو اسوي
عفت السياره بالتصليح، اخذت تاكسي
وبوجهي لمستشفى _______

ومابالغ اذا اكول كنت شبه منهار دخلت للمستشفى مثل المجنون مااندل دربي ....

وكملت من نورزان وكعت علينا وفقدت الوعي...

اني اصلا من اتصل بيه حسن كلي وحسيت
من كلامه رافي عنده تكتم بهل الموضوع
واني اعرفه كلش زين لهذا قررت اروح
واشوف شكو واتاكد من حسن يله اتصرف واتصل باهلي

وفعلا حجيت ويا حسن وعرفت الموضوع بالكامل
وكتله....

باع حسن رافي من كال لتجيبون نورزان بالموضوع
اله غايه اكيد ...

لهذا راح انفذ كلامه ومنحجي غير المطلوب
ونتفق اني وياك ونورزان على نفس الكلام

حسن: هاهيه تمام، بكيفكم

سيف: خلي هسه اخابر على اهلي

حسن: واجرائات المستشفى بماانو اصابة بطلق ناري
لازم يدخلون الشرطه بالموضوع فاكيد هسه يجون
شنو نكول؟

سيف: نكول نفس اتفاقنا لانزيد ولانقل نمشي ورا كلام رافي ...

وهل الكلام نعتمد عليه ويا الكل

بعدها اتصلت باحمد حتى هو يبلغهم ويفهمهم
حتى ليهبطون ...

وكلتلهم نورزان هم يمنا من شافت اللي صار هبطت
واغمى عليها....

حتى يبلغون اهلها، لان اختها كل شويه داكه
على موبايلها لان تاخرت...

كل هل الوقت واحنا واكفين يم صالة العمليات
ونسال اللي يطب واللي يطلع وكلوبنا مثل النار
الى ان طلعت الممرضه تركض واحنا الرعب تملكنه
تريد دم لان نازف هوايه....

واحنا هم صارت الركضه رحنا تبرعنا، وعلى اعصابنا عايشين....

وكلها بكفه وتاخرهم بكفه اخرى وماكو احد يفهمنا
مدنعرف شنو الي ديصير جوا....

بهل اثناء اجه احمد والوالد وسمر وغيث

نبيل: هايابه بشر شلونه اخوك؟

سيف: بعده للان مطلع من العمليات، ومنعرف شي
بس احتاجوا دم وتبرعنا

سمر: فهمونا شنو الصار ومين هذا اللي سوى بي هيج؟