السلام عليكم
يتيمة المشاعر
نور ال زياده
نورزان:معقوله هو !!!من دار وجها طلع فعلا رافي
استغربت وخفت بنفس الوقت
اباوع عليه اللحيه طويله والوجه تعبان وكلش ضعفان باوع عليه بطريقه كصني كص يحاول يسوي نفسه ضايج وجدي بس اشوف الحب واللهفه بعيونه
من شفته وشفت وضعه كل تعبي وقهري وضوجتي منه تبخرت احس اكو سحر بينا اسمه الحب
اي هي هاي الحقيقه مهما احاول اغيرها واكول غيرها واقنع نفسي
تبقى الحقيقه الوحيده نحب بعضنا
اجى باتجاهي تقرب
رافي:شلونج؟
نورزان:من الله بخير وانته هم مبين زين
رافي:ماشاء الله محضره وضع الهجوم مقدما
نورزان:شعندك جاي؟
رافي:زوجتي وجاي اشوفها بيها شي
نورزان:مابيها شي بس هنا مكان عملي
رافي:شكد كلبج قاسي كل هل الوقت ماحنيتي مااشتاقيتي ماتذكرتي ايامنا الحلوه
نورزان:رافي رجائا روح من ارجع للبيت عود نحجي
رافي:اني خلصت المشروع ورجعت واريدج ترجعين ويايا للبيت كافي اني تعبان وانتي هم شكلج تعبانه على غيابي
نورزان:شوف رافي انته،،،،،،،،، بعدني ماكملت كلامي اجت الدكتوره تبارك
الدكتوره تبارك:نورزان هذا اسم الطبيب روحيله وكوليله من طرف الدكتوره تبارك وهو يفهم لتخافين ان شاء الله ماكو شي
رافي:ليش شبيها شصاير ؟
نورزان:ماكو شي هيج
الدكتوره :منو حضرتك؟
رافي:زوجها
الدكتوره:زين تمام لتخاف ان شاء الله مابيها شي
احتمال بسبب الحمل ديصير وياها هل الاعراض
رافي:شنووووو!!! حمل يعني شنو نورزان حامل؟
الدكتوره:مافهمت ليش انته موزوجها،شلون متعرف
رافي:دكتوره الله يخليج كوليلي موحامل متوهم مووو؟!!!
الدكتوره:نورزان شبي هذا شديحجي ؟
نورزان:ماكو شي دكتوره روحي اني اتفاهم ويا
رافي:ولج شتفهميني ،شتفهميني لخاطر الله صدك حامل شوكت ؟
نورزان:صوتك نصي واي صدك حامل شتريد تسوي
رافي:هسه تنزلي لتخبليني
نورزان:لك شنزل منه كل عقلك كلها 3اشهر واجيب
كافي اصحى سواء عجبك ولا لا اني راح اصير ام واذا متريد جهال شي يخصك طلكني وشوفلك وحده متخلف عيش وياها
أنت تقرأ
يتيمة المشاعر
Romantikشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
