يتيمة المشاعر

البارت الثلاثون

السلام عليكم
يتيمة المشاعر
نور ال زياده

نورزان: احجي ريام منو مات؟

ريام: نورزان، رفل كلبت الدنيا بالبجي والصياح
تكول اخويه قتلو

نورزان: انتي متاكده؟

ريام: دعوفينه من اسالتج كومي انتي مو مرته خلي نشوف شصار

نورزان: رحنا على غرفة زيد، ونسمع صوتها وبجيها
دكيت الباب عليها

فتحه زيد

كلت...

شصاير، شبي حسام؟

بعدني ماكملت الكلمه اشو رفل هجمت عليه
وتصيح وتكول

رفل :انتي بسببج، انتي موتي، طول هل الوقت تعاملي موزين ذليتي بعيشته،

كتل روحه عليج وحبج وانت تاذي

عطت بيها

نورزان: كاااافي، هاي فوك اللي سويتوا، جايين تذبون بلاكم عليه لصمي حلكج

زيد: نورزااان لتحجين بهل طريقه ويا رفل
متشوفيها هي بياحال، عالاقل احترمي وجودي
انتي ببيتنا

نورزان: اني احترمك واحترم وجودي بغرفتك
ههه،

ومرتك ليش ماحترمتك، ولااحترمت وجودك
من هجمت على اختك،؟

واذا على الغرفه والبيت ،،فانتوا ساكنيين ببيت ابويه، بكيفي اطب واطلع

من يصيرلك بيتك الخاص عود اطردني، ولتخليني
افوت

رفل: انتي وحده صلفه، واني صوجي، خليت اخويه ياخذج،

نورزان: الله ياخذج انتي واخوج، اللي يسمعج كاتله روحي، مو عبالكم مااعرف بلعبتكم، وهو هم مشاركم بيها،

رفل: الله لاينطيج، اكيد دعيتي على اخويه
وهيج صار بي

نورزان: لا الكلام ميفيد وياج، انتي،،، زيد فهمني
شنو صاير،؟

زيد: حسام صار عليهم هجوم، وقصفوا المقر مالتهم
ومنعرف بعد اخبارهم مندري، عايش ولا، ميت

نورزان: هااا، يله الله كريم، خلي انزل اتغده
اخذو راحتكم

عفتهم ونزلت واسمع رفل ورايا تغلط وتسب

بس ولاعبرتها، صار عندي برود غريب

صح اني مااحب اذيت احد، بس يمكن من كثر ماضلموني واذوني، كلبي صار قطعه من ثليج
ماكو احساس

، وكلت امري الى  الله، وهو شيسوي
اني راضيه

نزلت صبيت اكل وكعدت اكل بكل برود

ريام: نورزان ردت فعلج غريبه، يعني زوجج احتمال
ميت لو متصوب وانتي ممهتمه؟

نورزان: لتخافيين العارات متموت