يتيمة المشاعر

البارت الخامس

السلام عليكم

يتيمة المشاعر

نور ال زياده

اصعب شيء في الحياة هو الفراق، ....

نورزان: ايام وكلها تحاول تقنعني، انو هو سافر يدرس، فتره ويرجع،....

بس اني ابد مقتنعت،، حسيت خسرت ابويه وسندي، واماني وصديقي،،

اعتكفت وتغيرت، وحتى الاكل كرهته، كرهت كل شي بالحياة

صرت مثل اللي ينطو كل شي، وفجئه، ياخذو منه، من غير استاذان،...

وضليت فتره على هل الحال

ام زيد: نورزان وينج تعالي اجني البنات

نورزان: سويت نفسي مااسمع، وغطيت راسي، وراها بنص ساعه، دخلن غرفتي، عرفت من صوتهن، منال وسمر

سمر: نونو حبيبتي شنو السالفه صار شهر، مشايفيج
اشو مسويتها صدك ؟

نورزان: مارديت عليهن

منال: كومي نورزان دااحجي وياج

نورزان: شالن الغطه مني وجرني كعدني،

منال: هاي شنو!! اشو الوجه ذبلان والخدود رايحه

ام زيد: والله متاكل، اللي كانت مكابله الثلاجه، هسه متطلع من الغرفه

سمر: احنا كلناعطلتي هسه طول الوقت نشوفج يمنه
الكل يسال عليج، حتى رافي اتصل وسالنه عليج

نورزان: اني راسن رفعت راسي بس محجيت ولا كلمه

سمر: ام زيد رافي راد رقمج يريد يتصل عليكم،

ام زيد: اي عادي

نورزان: ضليت فتره على هل الحال وحتى العطله كلشي مفتهمت منها،...

ومره كنا كاعدين اني واهلي العصر، اجى اتصال على امي، حجت وسلمت وانطتني الموبايل،،،، بس كلت الو اجاني صوته

رافي: هلو نونو، ولج شلونج دبه حسيسه، مشتاقلج

نورزان:من سمعت صوته ولهفته حتى زعلي نسيته راسن جاوبته وبلهفه ...

- اني هم ّّ

رافي: ولج ليش كل هل الفتره متسالين، ولاتروحين لبيت اهلي...

شنو بعدج زعلانه، ؟نورزان اللي اعرفها عقلها كبير، متوكف حياتها لاي سبب، مو صح لو الضاهر ماكنت اعرفج زين؟

نورزان: اني مو زعلانه بس ضايجه

رافي: ماكو، ضايجه ترا هل مره اني اللي ازعل، وصدك مبروك على النجاح

نورزان: شكرا

ضلينا نحجي شويه وبعدها نهينه الاتصال، وبيومها كلش فرحت، لان حتى سماع صوته يحسسني بالامان،،،

رجعت لحياتي الطبيعيه، دائما نتخابر اني وعمو، حتى من يسافرون اهله اله،، يدز هدايا للكل والي هم هدايا حلوه يدزلي حتة يفهمني انو بعده مهتم لامري،،،،،