السلام عليكم
يتيمة المشاعر،،، نور ال زياده
نورزان: توترت ليش مااعرف....
كلام عمو رافي كان بتعجب وتوتر الضاهر، ماكان يعرف احمد طلبني للزواج
نضرات رافي عليه وعلى احمد ومنتضر جواب واحمد جاوبه ...
احمد: اي صح قبل فتره تقدمت الها،
والضاهر ماكانت مقتنعه، واني عفتها على راحتها
كلت فتره وارجع اطلبها من جديد...
، واحاول اقنعها بوجهة نضري وبطلبي ...
لان اني شاريها، لبنت خالتي ومتمسك بيها
واكثر واحد احق بيها
رافي: اي شكو بيها واتقدمت وطلبتها وافتهمت
هل شي بس اللي مافهمته...
شلون يعني احق واحد بيها؟
احمد: احنا تربينا سوا ودم واحد واهل
يعني اني افرض من الغريب، اللي متعرفه
نورزان: احمد رجائا اول شي مو وقت هل الكلام
وثاني شي، كان بوقتها جوابي واضح
وماكو داعي نعيد ونزيد
انته كلتها تربينا سوا يعني مثل الاخوان
لهذا ماوافقت ولاراح اوافق....
وان شاء الله تلكي الانسانه اللي تستاهلها وتستاهلك
احمد: الله كريم بعدين نحجي بهل الموضوع
لان فعلا الضاهر مو وقته
نورزان: حجه هل الكلام وعافنا وراح...
بس عمو حسيته ضايج وباله سارح، ورا ثواني
تقرب بصفي وحجه بصوت منخفض ...
رافي: اكلج نورزان هذا شوكت خطبج، اشو ماادري؟
نورزان: من سوينه عزيمة تخرج زيد، بنفس اليوم
خالتي فتحت الموضوع ويا اهلي ....
بس عمه والبنات كانن موجودات وسمعن و
كل ضني كالو وانت تدري بالموضوع ...
رافي: لا محد كال،
عالعموم على كولتج رفضتي وانسد الموضوع
واكيد حته مره ثانيه من يتقدم هم ترفضي موو؟
نورزان: اكيد كلامي واضح بهل الموضوع، ومااغيره
اني كلت هل كلام انرسمت ابتسامه عريضه على شفته وكال....
رافي:هو هذا الصح خلصي دراسه
نورزان: عافني وراح ...
كملنا الحفله ورجعنا لبيتنا، وثاني يوم قرروا ميسون حفله بقاعه وهوسه مباشرتا نزف العرسان للفندق
حضرنا نفسنا ورحنا وانطلقت الزفه لبيت العروس
واخذناها وافترينا بشوارع بغداد وعلى الجادريه نزلنا
صح بسيطه بس صارت حلوه، والكل فرحان، زفينه العرسان، وكلمن رجع لبيته
ورا ايام بالكليه، خلصت المحاضره، وقررت اكل شي
بس بطريقي تفاجئت بجية احمد،
أنت تقرأ
يتيمة المشاعر
Roman d'amourشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
