السلام عليكم
يتيمة المشاعر
نور ال زياده
سمر:شعندك كاعد هنا؟
رافي:وين اروح مااكدر اعوف المستشفى
سمر:موهذا قصدي اذا تعبان روح ارتاح بالبيت احنا هنا
رافي:مااكدر اعوفها واروح
سمر:لعد ليش تاركها وكاعد هنا اذا متكدر تعوفها؟
رافي:اني منعول سلفى سلفاي وهي حايره الاطفال ليصير بيهم شي
سمر:طبيعي يااخي هي ام واكيد من هسه تتعلق بيهم
رافي:ليش تحسسوني اني بلى كلب ومااريدهم ولاخايف عليهم
سمر:شجاك ياعيني موهذيج الايام زين وكلشي تمام،شنو اللي تغير
رافي: اللي تغير تعبان تعبت انو امثل دور اللي مامهتم ومتفائل وكلشي تمام والامور طبيعيه واني بالحقيقه دااموت تعرفين شنو دااموت بطئ هاي مشاعري الحقيقيه دااكابر واضغط على نفسي حتى لتحس واحاول اقدملها طاقه ايجابيه بس بداخلي غير شي توصيني على الاطفال وخايفه عليهم وناسيه اني بشنو دااحس من خوفي عليها
كلكم متصورين ممهتم لاطفالي ولارايدهم صدكوني موهاي الحقيقه من يوم حبيتها واني اتمنى تصير ام اولادي صرت احب الاطفال لان اتخيل هي امهم
وهسه من احس بحركتهم جوا ايدي احس كلبي
يرجف من الفرحه بس فرحتي ناقصه لان خايف عليها خايف اخسرها واني مااعيش بدونها
هاي فرحة عمري
تكليلي ام وخايفه على اطفالها واني هم اب
وخايف على بنته اني عرفت الابوه ومشاعرها من سنين طويله من يوم تعلقت بطفله وربيتها على ايدي
وحملتني المسؤليه وحسستني بالابوه هي اول فرحة عيني
حتى لو حاب اصير اب واحب اطفالي مراح احبهم ولااخاف عليهم مثلها
ولو يرجعون يخيروني هم اختارها لوااعرف اضل طول عمري مااصير اب والناس كلها تلومني اكلهم عندي بنيه ماليه كل حياتي وروحي وكلبي
سمر:بدموع)الله على كلبك شكد شايل هموم وحب
تدري حبك نادر ماعاد موجود بهل زمن واني اتهمتك وشككت بحبك واعتبرتك اناني سامحني
رافي:ماكو داعي للاعتذار الانسان يحكم على اللي يسمعه ويشوفه واني كل الادله كانت ضدي اب
تخلص من ابنه بنفسه ولهذا ماشلت بكلبي لاعليج ولاعليها وبعدين منو كال مموجود مثل حبي احنا من نحب نحب بكل جوارحنا ونتعلق هاي انتي صار سنين من مات مانسيتي ومنال نفس الشي واحمد وابسط مثال سامر اللي مع كل رفضج للان متمسك بيج
سمر:شجاب سامر بالموضوع؟
رافي:لان هم حبه نادر مثل متكولين ومنتضرج صار سنين وانتي ماحسيتي بي خطيبج راح الله يرحمه
صار 10سنين ولامتزوجين ولاعندج طفل من ريحته
حتى تبقين على ذكراه عيشي حياتج وحسي بسامر هو هم تاذى ونغدر من اخته
أنت تقرأ
يتيمة المشاعر
Romanceشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
