العوده للحاضر
____________
نورزان: فزيت من صفنتي ورجعت لواقعي ولحاضري، البعيد عن هذيج الايام الحلوه،، واسمع امي تصيحني
ام زيد: نورزان ماما تعالي سلمي على خالتج ام ريم
نورزان: سلمت على ام ريم (بنت خالة امي)
شلونج خاله؟
ام ريم: هله حبيبتي شلونج شخبارج ؟
نورزان: الحمد الله
ام ريم: اكلج ام زيد شبيها بنتج اشو وجها اصفر
شنو حامل ؟
نورزان: ياطلابة الحامل (ويا نفسي)
ام زيد: لا موحامل
ام ريم: شبيها لعد، اخر مره شفتها كانت ورده ومفتحه، اخاف منفوسه
ام زيد: ماادري ام ريم مااعرف شجاها لهذا جبتها
ازورها بلكي تصير احسن
ام ريم: لعد زوجها وينه، اشو ماكو؟
ام زيد: هو ملتحق حاليا لهذا مااجى
ام مريم: ها الله يسعدهم، عبالي صاير شي مشكله بينهم
ام زيد:(بعصبيه) يا ستار، شكو بينهم،،،،
اصلا هو يموت عليها، حتى هو طلب مني اجيبها، بلكي من تزور تتحسن
نورزان: باوعت عليهن وهنه وحده تبسمر بالثانيه
هذا كله لان ام ريم خطبتني لاخوها وماوافقت
ترخصت منهن ورجعت لمكاني،ّ لان الضاهر ام ريم محمله علينا،،،
بعد دقائق شفت حسام من بعيد ديتقدم باتجاهي
استغربت هذا شنو جابه ؟
تقدم عليه وسلم وباس راسي،...
رديتله السلام، وسالته....
--انت مو ملتحق وبعد وقت لنزولك
حسام: شنو متريدين اجي ؟
نورزان: مو هذا قصدي، بس استغربت
حسام: لا حياتي لتستغربين، اني اصلا اللي طلبت من عمتي تجون زياره،...
وكلت من اكمل شغلي انضم الكم
نورزان: هنا عرفت وتاكدت كلام امي مو بسمار لام ريم، يعني اتفاق هي وحسام،
واني عبالي صدك امي مهتمه لامري، وجايبتني ازور واغير جو
حسام: هاحبيبتي وين صافنه ؟
نورزان: لاهيج ماكو شي
حسام: خلي اروح اسلم على الباقين واجي
نورزان: راح حسام سلم ودخل زار وطلع
اجه كعد يمي وكتله ....
زين ماتاخرت، قبل الله ..
حسام: قبل الله اعمالج، يله حتى نتغده، لان شكلج هابط الضغط عندج وجهج اصفر
أنت تقرأ
يتيمة المشاعر
Romansaشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
