السلام عليكم
يتيمة المشاعر
نور ال زياده
سمر:وين تريد تروح وتعوفها هنا من شوكت تكدر تفاركها لوحتى يوم واحد؟
رافي:مجبور منو كلج عاجبني بس شسوي لازم اادبها الضاهرحبي وضعفي اتجاها خلاها تتمرد ولج اني توكف بوجهي رغم كلشي سويته علمودها وتكلي انته واحد اناني ومتملك
سمر:وشتسمي تصرفاتك ورفضك يصير بينكم طفل
هذا موانانيه
رافي:واحد ميحب الاطفال ميريد طفل هسه وين الانانيه بالموضوع
سمر:رافي انته عليمن تضحك انته تغيرت تدري خلال هل السنين كنت اكول نيالها نورزان على رافي شكد يحبها بس انته غيرت نضرتي اتجاهك وهسه اني اكثر وحده عرفتك شكد اناني وكلام نورزان كله صح
رافي:احترمي نفسج سمر صح انتي اكبر مني بس هل شي مينطيج الحق تحجين ويايا بهل طريقه
سمر:اني ونورزان ما النا حق نكول عليك اناني
بس انته عندك الحق تنهي حياة طفل ومو اي طفل ابنك لحمك ودمك
نورزان:هل الكلام كان مثل الصاعقه نزلت على راسي
مستوعبت الكلام شنو يقتل ابنه مافهمت ضليت اسمعلهم ورا الباب
رافي:انتي شتكولين من كل عقلج؟
سمر:اي لعد شتسمي اللي سويته انته لوغيرك متفق ويا الدكتوره ومشرب نورزان دوا مال اجهاض الى ان سقطت الطفل لاوفوكاها كاعد تداريها وتحير بامرها يقتل القتيل ويمشي بجنازته
رافي:منينلج هل الكلام؟
سمر:سمعتك بيوم اللي اجهضت بي حجيت ويا الدكتوره سمعت كل كلامكم فماكو داعي تنكر
رافي:هاهيه كملتي اي اني مااريد طفل وخليتها تجهض خليتلها الدوا بالعصير مااريد طفل يشاركني بيها وهسه شتريدين تكليلها صدكيني اذا سويتيها انسى انتي اختي طول العمر كلشي سويت حتى تصير الي لتتوقعين اسكت اذا عافتني بسببج فتهمتي لولا
سمر:مع الاسف وصلت لهل الحال لوتدري شكد نزلت من عيني اني اكول روح عالج نفسك من هل الهوس اللي عايشه هذا موحب هذا مرض نفسي صرت مهووس بيها الى درجة متريد حتى طفل يشاركك بيها
رافي:رجائا سمر مو وقت محاضراتج عوفيني ارتاح ورايا سفر
سمر:رايحه وانته الله يهديك
نورزان:دموعي صارت شلال من اللي سمعته لو. اي مخلوق بشري يجي يكلي هذا رافي وكلامه مااصدكه
شلون واني سمعته بئاذني
اصعب شي خيبة الامل بشخص خليته محور بحياتك
واهم شي بيها
نزلت بسرعه قبل ليشوفني لان ماعاد عندي قوه للمواجهه طلعت من بيتهم واني احاول امسح دموعي والم لم حطامي وانكساري دخلت لبيتنا وصعدت لغرفتي بسرعه حتى لحد يشوفني نهاريت
وماكو شعور يوصف اللي عشته هذا الشخص اللي سميته حبيبي وسندي واماني شلون امنت بي وهو اللي طعني بضهري شلون استند علي وهو كسرني
أنت تقرأ
يتيمة المشاعر
عاطفيةشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
