يتيمة المشاعر

البارت الرابع عشر

السلام عليكم
يتيمة المشاعر
نور ال زياده

سيف
_______
لما تصوب رافي، ورحت للمستشفى، كان من اصعب
ايام حياتي رافي اله معزه خاصه بداخلي ....

ولما سمعت كلام حسن وطلب رافي منه، احترمته
وقررت انفذه، لان اعرف اهمية نورزان بالنسبه
لرافي،...

بس لما بدا يصحى من البنج كنت اني الوحيد
يمه ...

وخلاني اتفاجا مفاجئت حياتي!!!

وشكوكي اللي صار فتره تدور براسي والي
كل ماتجي ببالي اطردها واكول لاموممكن
هل شي يصير، طلعت صحيحه....

سمر اول ماصحى يهذري باسمها، وخايف عليها
ويغلط على هذا امير، وشلون تحرش بيها...

بس صدمني من ضل يصيح ...

--نورزان حبيبتي احبج ،،وينج راح اموت بدونج

كانت صدمه بالنسبه الي وحاولت ماخلي احد يفوت يمه الى ان يصحه...

ولج سمر هذا مو معجب مثل ماكنت مفكر
هذا يحبها ويموت عليها ومستعد يموت علمودها

سمر: لا سيف ممعقوله هو اللي رباها ويشوفها
بنته او اخته الصغيره

ويحبها ويخاف عليها،لهذا ...

انت فاهم الموضوع غلط ...

هو من قبل يخاف عليها ويهتم لامرها...

وانت تعرف رافي اصلا ميؤمن بالحب نهائيا
ويوم اللي يحب يحب حب، من انسانه متصلحله
وفوكاها صغيره لا ممعقوله كول غيرها يمعود

سيف: منو حدد وكال متجوزله شنو قابل محرمه
عليه لو هو عمها صدك؟

وبعدين قابل بكد ابوها هو ترا كل الفرق ١٠ او١١
سنه مو اكثر...

يعني ماكو شي غلط بالموضوع ولاحرام

سمر: صح كلامك بس اكو مساءل نفسيه تمنع لان هو الي رباها ...

وبعدين نضرة الناس اللي كلها تعرف شنوعلاقتهم
وهي تصيحله عمو...

لتتوقع رافي يعوف كل هل الامور، ويخلي عينه عليها، وانت تعرفه هو شكد انسان عقلاني
وابد عواطفه متتحكم بي.

سيف: الايام تثبتلج كلامي، وان شاء الله اطلع
غلط، ...

خلي اكوم ابدل واروح ويا للطبيب عنده مراجعه

سمر: اجي وياكم

سيف: احمد هم راح يجي، بس بكيفج كومي بدلي

رحنا للطبيب والحمد الله اطمئنينا عليه ووضعه تمام

بقت بس المشكله لازم نحلها وابو امير يوميه
داز واحد يريد يطلع ابنه، ساعه يتوسل وساعه
يهدد...

من رجعنا البيت شفنا الوجوه موتمام ومتتفسر
وامي وابويه صايرين نار...

اول مافتنا للبيت عمي توتر واخذ مرته وبناته
وراح