يتيمة المشاعر

البارت الواحد والثلاثين

السلام عليكم
يتيمة المشاعر
نور ال زياده

نورزان: من طلعت وفتت لهول الجلوس اللي بي كاعدين بيت عمهم، تفاجات!!

وكفت مثل الصنم مااعرف شنو اكول ولااكدر امشي
صار ٩ اشهر مشايفته، ومتوقعت راح اشوفه

صارت عيني بعينه، حسيت هو هم تفاجا من شافني

من باوع عليه حسيت بلهفه وشوق بعيونه
واني مو اقل منه كلبي راد يطلع من مكانه
ورجلي احسها ماعادت تحملني

انقطع تواصل عيونه من حجت عمه ام رافي

ام رافي: تعالي يمه نورزان ليش واكفه

نورزان: السلام عليكم

كلها ردت بس هو رد ببرود ودار وجها سوا نفسه
يحجي ويا ابن عمه،

هنا عرفت هو ميريد يشوفني ولا يتواجه ويايا

انقهرت وبلعت الغصه ببلعومي

انتبهت سمر وعمه وحاولن يهدئن الجو

سمر: يله نورزان البنات بالصاله منتضرات امشي

نورزان: باوعت عليها بنضره مليانه قهر

وهي سوت حركه بشفايفها تدل على الاسف من الموقف والفشله

شريد اكول اصلا حقه كنت متوقعه انو ماكو شي يرجع مثل الاول

حسيت نفسي متتقبل ابقى او اجامل احد

كلت....

عمه اني رايحه

ام رافي: ياا يمه شفتهمنه منج اشو كضيتيها يم عمج وراح تروحيين

نورزان: غير مره عود

ام رافي: يمه لتكطعين عمج نبيل يفرح من تجين

نورزان: لا ان شاء الله اجي دائما اشوفه

تفاجات من سمعت صوته بس ياريت باقي على سكوته

كال...

رافي: اكيد تجي شلون لعد،

عمها صاحب فضل عليها، لكالها شخص مناسب وزوجها

اقل شي تسوي اله تسال عليه وتجي تشوفه

مو صح ست نورزان لو نكول ام شنو؟

يجوز اكو شي عالطريق (باوع بتحدي ورفع تك حاجب)

نورزان: انتبهت عمه وسمر يخزرن بي، واني اتمنى اختفي من كلامه

باوعت علي بقهر، حسيت عيوني غوركت من قهري
من خله نضره على عيني رخت ملامحه ونزل حاجبه،

ردت ارد بس احس اذا كلت اي كلمه راح تنزل دموعي ومااريد احس نفسي مذلوله وضعيفه كدامه
عرفت بعد هذا كلامه انو احنا انتهينا للابد ماضينا راح ومات

بعد كل اللي عشنا هسه صرنا نجرح ببعضنا

كلت...

من رخصتكم، عفتهم ومشيت، وسمر تمشي ورايا
لحكتني لبره