يتيمة المشاعر

البارت الثالث والعشرين

السلام عليكم
يتيمة المشاعر
نور ال زياده

نورزان: بعد الكلام والاعترافات اللي دارت بيني وبين رافي،

حاولت اهدئه واطمنه انو كلشي راح ينحل، بس هو يعرف واني مو بهل سهوله راح تنحل امورنا،

الضاهر جمعتنا اصعب مماكنت اتصور

اني ادري بي يحبني واني هم احبه

بس من حجاها حسيت بشي مختلف

شعور من اجمل مايكون،

وهو هم حسيته فرح حتى اكثر مني من درا بمشاعري

، وصلني للبيت وراح

**************
سمر
_____

ضليت خاله ايدي على كلبي وخايفه والمشكله حتى تلفون ماكو حتى اتصل واعرف شنو الصار

وامي وابويه تعاركوا، وضلت تلوم بي

وهو ولايمه السالفه مقتنع باللي سوا

اخذت جهاز براء واتصلت على جهازي مارد عليه
بعدها اتصلت على سيف، رد

كتله ....

ها سيف بشر شفت رافي؟

سيف: ماشفته بس اتصل سال على نورزان
وبعدها سده وكل مااتصل ميرد

سمر: اي اني هم ميرد عليه الله اليستر

سيف: فهميني شنو الصار؟

سمر: سولفت لسيف كل اللي صار

سيف: معقوله ابويه هيج يسوي،؟

شلون هيج يسوي برافي، شلون يخلي بهيج موقف؟

سمر: رافي من درا كلب الدنيا باللصياح

ومن طلع شكله ماعجبني وعيونه حمره

والله خايفه عليه،خايفه ليسوي شي

سيف: ان شاء الله ماكو شي لتخافين رافي واعي
وعقله كبير

سمر: هذا رافي بالاوقات الطبيعيه

بس من الموضوع بي نورزان ميضل عنده عقل
وانته تعرف هل شي زين

سيف: صح كلامج يله راح اوصل للبيت سدي باي

سمر: نهيت الاتصال ويا سيف وضليت انتضر على نار

اجى سيف، وبعدها اجى احمد ومروه من الدوام

احمد: شكو شنو الصاير، اكو توتر بالبيت؟

سيف: ابونا مبدع كول شنو ماصاير

احمد :ياستار ،،خير

سمر: سولفنه لاحمد اللي صار

احمد: شلون هيج يسوي بي وباي حق يحدد اذا نورزان تفيده لو لاء

وبعدين شناقصها ومتفيده؟

مروه: والله حسيت يحبها، صح كلتوا هو مربيها
ولهذا متعلق بيها، بس لا ،،حسيت بي، تعلقه مو طبيعي، وخوفه ولهفته واضحه