يتيمة المشاعر

البارت السابع

السلام عليكم

يتيمة المشاعر

نور ال زياده

نورزان: كلام خالتي كان مفاجىء بالنسبه النا كلنا
صح منتبها لنضرات احمد الي بس مااعبر ولااهتم
بس متخيلت يتقدم الي،

ام احمد: بالنسبه للدراسه لتشيلون هم هو يريدها تكمل وحتى اذا رادت تتعين هم موافق

ام زيد: مااعرف شكول بس اخبر ابو زيد ويصير خير

نورزان: مااعرف ليش ضجت وخصوصا من كلام امي حتى مكالت نسال اللبنيه....

، وانتبهت لعمه ام رافي هم ضاجت، الحوار كله صار سخيف لهذا عفتهم وكمت صعدت لغرفتي
لان مااكدر احجي شي عيب ....

بقوا شويه لبعد الضهر وراها كلمن راح لبيته
لليل امي فاتحت الوالد بالموضوع

ام زيد: ابو زيد اليوم اختي ام احمد طلبت نورزان لاحمد، شنو رايك؟

ابو زيد: احمد خوش ولد منلكي احسن منه شكو بيها

ام زيد: يعني اردلها خبر موافقين هاهيه

زيد: اي طبعا احمد خوش احمد

ريام: شنو السالفه اشو بكيفكم تفصلون وتلبسون ومحد كلف نفسه يسال صاحبة الشان

ام زيد: احنا ادرى بمصلحتها ونختارلها الانسب

ريام: ليش هو لعب جهال، هذا زواج عمر كامل

ام زيد: لصمي حلكج ولتدخلين

نورزان: طلعت من غرفتي واني اسمع نقاشهم
وكانما ماالي وجود ولا قرار،....

هنا طكت فيوزاتي....

ورجعت نورزان القديمه نزلت الدرج وتوجهت الهم

ها شنو الموضوع على شنو نقاشكم؟

ام زيد: على زواجج من احمد

نورزان: يازواج، قصدج على طلب احمد الي

ام زيد: ماكو فرق راح ارد خبر لخالتج الباجر بالموافقه

نورزان: بس اني مموافقه

زيد: بس احنا كلنا موافقين

نورزان: وهاي حياتي مو حيات غيري،

ام زيد: مو بكيفج تريدين تفشليني ويا اختي، وبعدين الولد مناقصه شي

نورزان: يعني خايفه على مشاعر اختج واني مو مهم مشاعري، قررتي ووافقتوا حتى من غير متسالوني

زيد: لصمي حلكج وسكتي، خلص يمه كليلهم موافقين، وانت ضربي راسج بالحايط

ريام: شنو هل الحجي انتو تحجون صدك هذا زواج ياناس، انتو حجاب ماجبرتونا علي مو نوب زواج

نورزان: كلمه ومراح اعيدها ماموافقه ولتفكرون تجبروني على شي

ابو زيد: هاهيه سدو الموضوع كولي لاختج ماكو نصيب وخلص