يتيمة المشاعر

البارت الرابع والاربعين

السلام عليكم
يتيمة المشاعر
نور ال زياده

نورزان:خلصت الامتحانات وصار الوقت احضر للعرس خلال هل الفتره رتبنا البيت وجهزنا النواقص واشترينا غرفه ورافي حجز القاعه بقت بس حجز الصالون والبدلات طبعا اصروا عليه اسوي تجهيزات اي عروس وخصوصا هذا اول زواج لرافي واني سابقا ماسويت حنه ولاحتى حفله بالعرس بالبدايه مااقتنعت بس رافي اصر يكون كلشي حسب الاصول
احنا نجهز ورافي طاير من الفرحه واكيد اني مو اقل منه رغم التوتر المصاحب لاي عروس بس فرحتي اكثر الاحيان تخليني اتغلب على كلشي

اليوم الحنه واللي صار زيد من البارحه سافر حتى ليشوفني ولايباركلي ،مع الاسف رغم كل اللي صار مااتعض وبعده متمسك باخطائه وبتصرفاته الغلط

رحت للصالون من الصبح وبلشن شغل بيه ورافي اصر انو اختار  بدله حمره للحنه،وفعلا اختاريت بدله
كلش حلوه ولونها احمر طول مااني يشتغلون بيه كل شويه متصل بيه وحتى غدا دزلنا يخاف ضغطي يهبط كل تصرف منه وكل اهتمام يخليني احبه اكثر واكثر هنا حسيت بالفرق واذكرت ايام عرسي الاول كنت احس نفسي اموت بطئء ،

اما هسه احس الفرحه ماسايعتني ،الحمد لله من الله عوضني بعد تعبي وصبري

سمر:ها نورزان تعبتي موو؟

نورزان:اي والله شوكت عاد يخلصن صارت قصه اصلا اني مااحب المكياج الغامق

ريام:ادري غير عروس لازم يخلون غامق

نورزان:لاعفيه فتحي مااريد معالم وجهي تختفي واصير وحده ثانيه

ام الصالون:غير انتي عروس وكلها تخلي هيج

نورزان:حتى زوجي ميحب المكياج الغامق خليلي مكياج لبناني مااحب المكياج الخليجي احسه اوفر

سمعت كلامي ونفذته وفعلا طلع احلى خلصنه واتصلت سمر برافي طلعت واشوفه لابس القاط والرباط احمر بلون بدلتي وطالع جدا وسيم
من رفع راسه وشافني ضل صافن عليه وابتسامه مرسومه على شفايفه

رافي:اللهم صلي على محمد هاي شطالعه الخاطر الله وين اضمج والله خايف عليج اذا اني انصدمت شلون الناس من تشوفج

نورزان:عيونك الحلوه وتشوفني حلوه
وبعدين خايف عليه علساس انته مقصر طالع تجنن

رافي:اجلي غزلج الباجر لاهسه اسويها زفه مباشرتا

سمر:هههههه،لاالولد خلص طار عقله واستوى عالاخر
يمعودين امشوا خلي نوصل للبيت الناس وصلت قبلنه فضونا واجلوا غزلكم

براء:شجاج خاله انتي هم رحتي وياهم نسيتوا الصور ليش هو موجاي حتى يصورون

رافي:اي صح والله نسيت

براء:بعدك قبل العرس بديت تنسى ،لا ورا العرس نلكاك فاقد الذاكره

ريام:ههههههه تم القصف بنجاح