السلام عليكم
يتيمة المشاعر
نور ال زياده
نورزان: مر على زواجي من حسام ٥ اشهر،
بس عبالك ٥ سنوات مع انو ماعشت ويا وبيته غير اسبوعين بس
هسه صار الوقت انو فعلا استسلم
حربي ماكو بيها تكافئ بين الطرفين
انتهيت وقوتي هم انتهت،
ماعندي هدف بعد بالحياة ولوما خوفي من رب العالمين كان نهيت حياتي
غلطت مره ومااعيدها لو اي شي يصير
اسبوعين والمفروض ارجع لبيت حسام كل يوم يمر اتمنى ميخلص احس دا اعيش العد التنازلي لحياتي
من اجه حسام وراد يرجعني ابويه اشترط
يزوج زيد خلال هل الفتره لان ماكو داعي بعد للتاخير،
وفعلا جهزوا للعرس، وصار بس اني ماحضرت، اجى زيد يوم العرس متباهي
كلي...
زيد :شنو مراح تباركين لاخوج؟
كتله...
اكيد ّلا .... لان انت متستاهل
راح اكلك شي واحد انت بحياتك مراح تعيش سعيد ولاتتهنى،
لان اللي يبني سعادته على حطام غيره الله ميوفقه،
عفته ومشيت واني داخلي يغلي من صلافته
وحتى العرس ماحضرت شكد حجو عليه اهلي
واقربائي بس خلص، اني ماعندي اخ،
خلص العرس وهو وزوجته سافروا، للشمال
واني ضليت انتضر مصيري،
بهل الايام حالتي كلش ساءت، النهار والليل ابجي وحتى اكل مااكدر اكل
وريام تحاول تواسيني ماكلت الها اللي صار وتهديد زيد الجديد
ولهذا حتى استغربت قراري انو ارجع لحسام عبالها استسلمت وقبلت بنصيبي وماعرفت الحقيقه
بيوم اجت سمر وبراء وعمه ام رافي، نزلت سلمت
عليهم،
هذوله من ريحة الغالي، تمنيت اعرف اخباره
بس همه متكتميين،ميجيبون طاريه
صار ٦اشهر ماشايفته، احس روحي مفرفحه عليه
اريد بس اشوفه او اسمع صوته
طبعا، وجوهم وكلامهم ويايا مو الاولي متغيرين
بس عمه ام رافي، احسها تحس بيه وتعرف وضعي
كعدت يمي
وكلتلي ...
ام رافي :ليش هيج ذبلانه يمه وين نورزان اللي تشع نور وطاقه، ليش هيج طافيه؟
نورزان: عمه نورزان الي تعرفيها هذيج ماتت واللي كدامج، وحده ثانيه
حسيتها كلش تاثرت عليه وامي تخزر بيه بس خلص ماكو شي بعد بداخلي مشاعر ماكو
أنت تقرأ
يتيمة المشاعر
Romanceشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
