السلام عليكم
يتيمة المشاعر
نور ال زياده
نورزان: اني حاليا دااعيش اجمل شعور،
وخصوصا من اشوف لهفته وغيرته عليه
من يوم اللي اجت مشيه عليه وللان
هو يعيد ويزيد بالسالفه، وخايف يجي احد ياخذني منه
مااعرف ليش هيج يحس؟ ومن شنو خايف؟
حاليا بالنسبه الي ماكو رجل بالدنيا يملي
عيني غيره،
بس مااكدر اكله هل شي
لان للان هو يعبر عن مشاعره بصوره
غير مباشره،
اني متفهمه وضعه لان خاطب
ورا كم يوم اتصل عليه بالليل، وكان كلش
مهموم
رافي: شلونج نورزان؟
نورزان: الحمد الله ،،،وانته؟
رافي: الحمد الله، شنو قاطعتج عن دراستج شي؟
نورزان: لا خلصت، رافي، ليش احس صوتك بي
شي، اكو شي مضوجك؟
رافي: لامابيه شي
نورزان: ليش دااحسك مهموم؟
رافي: ااااااه، والله بس انتي حاسه بيه، وتعرفيني
حتى من صوتي
نورزان: يعني شكي بمحله، شنو صاير وياك؟
رافي: راح اتخبل اول مره احس نفسي هيج
مربط،
مدااعرف اخلص من وسن
ابويه كل ماافتح ويا الموضوع يعصب ويتخربط
وهذيج بلا احساس،
لوغيرها وحده، اطم راسها باللتراب، على الحجي الحجيته وياها
نورزان: الله كريم لتغث روحك، اصبر وان شاء الله تنحل
رافي: شصبر بعد مو خلص صبري
نورزان: من شوكت ماعندك صبر شدعوه مستعجل
يجي يوم وتخلص منها
رافي: والله مستعجل اريد انجمع باللي احبها
نورزان: سكتت
رافي: ها وين صرتي؟
نورزان: ها وياك موجوده
رافي: اي موجوده ضلي غلسي، ضلي
خلي اشوف لشوكت..
نورزان: شنو قصدك؟
رافي: لاهيج، شكلج نعستي،واستلامج ضعف روحي نامي وراج دوام من الصبح، واني الي الله
نورزان: ليش هيج تحجي رافي؟
رافي: ماكو شي ياعيني، روحي نامي لتشغلين بالج
يجي يوم وافهمج اللي بيه
نورزان: سلم وراح، واني اضحك،
عباله مافاهمته...
ينلام من يكول ضلي غلسي هههه،،،
الضاهر هذي وسن مراح نخلص منها بهل سهوله، شلون الواحد يكدر يكون بلاكرامه لهل درجه؟
أنت تقرأ
يتيمة المشاعر
Romanceشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
