السلام عليكم
يتيمة المشاعر
نور ال زياده
نورزان: خلصت العطله واجى الدوام
هو اول ايام ماكو دوام طبيعي وماكو دراسه تصير
بس اني نفسيتي تعبانه اتصلت على ساكار وكالت راح اداوم وياج عالواهس
وفعلا حضرت نفسي واجى ابو الخط ورحت للجامعه
ماكو شي حتى طلاب قليلين وانتبهت سيف ممداوم
بس المهم تنفست وغيرت جو لان كعدت البيت وزيد اللي يطب ويطلع يتجاوز ضوجني
امي منتضره الوالد يجي من السفر حتى تفتح ويا الموضوع
حاليا هو بالصين يجيب ادوات سيارات كل فتره يروح
انتهى الدوام وطلعت صار حسام بوجهي !!!
تراجعت بس هو اجى بسرعه ولزم ايدي
وكال....
حسام: يله حبيبتي امشي نتغدا عندي كلام وياج
نورزان: ماكو داعي واصلا تغديت وماكو بعد بينا كلام لحد ميجي ابويه
حسام: لتعصبيني ولتطلعيني من طوري
امشي بهدوء حتى نحجي ونحل مشاكلنه
نورزان: ياهدوء هذا وانته مقدما تصيح وتتهدد
انت شتريد بالضبط؟
حسام: اريدج،،، اريد نرجع للبيت اني محتاجج هل الفتره واواعدج ارجع مثل قبل،
واذا على هذيج الشغله فراجعت اطباء وطلع كلشي مابيه
عارض صحي مؤقت بسبب اللي صار والادويه هم ماثره عليه
وهسه دااتعالج فتره قصيره ونكدر نعيش كازواج
طبيعيين
نورزان: هه انت تحجي صدك؟!!
ليش عبالك اني عفتك علمود هل شي؟
اشو انته تعرفها وتحرفها
اني لو هذا موضوعي وياك، مستعده اصبر عليك العمر كله مو فتره قصيره
بس موضوعي وياك انو من البدايه تعرف مااريدك
ومع ذلك خططتوا وحرتوا شسويتوا انته ورفل وزيد واخذتني غصب،
وفوك هذا كله لتنسى ايام وانته تضرب بيه دمرتني وصلتني للموت
حسام: صدكيني غصبن عني اني احبج
وكنت منتضر يوم يوم تصيرين الي وانتي تجرين بروحج وتماطلين ونافره مني،
ومن كلت هاهيه اجى الحادث وتغير الحال اني رجل ومو هينه عليه اعيش هل شي
نورزان: انته تعرف ضروف زواجنه وتعرف ماموافقه ومامتقبلتك، المفروض تقدر الوضع وتصبر عليه
الى ان اتقبلك
حسام: بس اني صبرت هوايه ترا راح يصير النا سنه سوا منو يصبر هلكد على زوجته وهي كدام عينه
أنت تقرأ
يتيمة المشاعر
Romanceشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
