يتيمة المشاعر

البارت الثامن

السلام عليكم

يتيمة المشاعر،

البارت الثامن

نورزان: كعدنا من الصبح بدلنا واخذت، ملابس، اضافيه اخاف احتاج ابدل وكلت لريام

--ريام انتي هم اخذي وياج ملابس اخاف تتوسخ
ملابسج، تبدلين

ريام: لا ميحتاج، قابل شكو

نورزان: بكيفج،،،

رحنا لبيت عمو نبيل، لكيناهم يتريكون، بعد الريوك
بلشنا شغل، وطبعا الولد من نحتاج شي على ايدنا
يتحركون ويتصخرون

اني ومنال وسمر وبراء وريام نشتغل والباقيات عرايس

قطعنا اللحم وخلته منال على النار واني بلشت شغل
بالباجه،..

هي مسموطه ومخلصه  كسرتها اني وسيف، وبلشت غسل وتنضيف، وخليتها على النار

سويت الممبار  الي مغسول هو والكيبايات ومنقوع بالصوده والخل والليمون قبل يوم ،،

حضرت الحشوه والكيبايات هم وخلصتهن
وكلهن خليتهن على النار

البنات، كلمن توجهت لشغله، رتبنه شغلنا وقررنا ناخذ
استراحه شويه،

سوينه كهوه، وطلعنا بالحديقه، يم الولد، نسولف ونشرب الكهوه،

ورا شويه طلعت وسن، تتموع من تمشي وتحجي

وسن: هلو كايز، بنات محتاجات شي، مساعده؟

سيف: بعد وكت، جان انتضرتي يخلصن، ونتغدا
ونغسل المواعين، وتعالي مو احسن

وسن: اوي تدري انت شقاك غثيث

سيف: مو اغث من بعض الناس

سمر: سيف سد هل السوالف

احمد: صدك رافي ردت اسالك موكان عندك، دفتر
مال اشعار وين صار

رافي شنو تسوي بي؟

سيف: يشعر للقلب مالته

رافي: ههههه، اي موجود بغرفتي ويا كتبي القديمه
بس مااضن يفيدك، لان شعر للشعراء القدماء
لقيس وعنتره والمتنبي يعني هيج
وبنات هسه يدورن شعر حديث والشعبي

وسن: الله احلى وافخم شعر للقدماء، رافي انت كلش رومانسي وذوقك راقي

احمد: هههههه، هذا منو الرومانسي، رافي؟

هو اصلا ميؤمن بشي اسمه حب

رافي: سويتني فد نوب، مو هيج عاد

وسن: يعني تريد تقنعني، بحياتك ماسويت علاقات
وحب وهل السوالف

رافي: اكيد بالكليه تعرفت على كم بنيه
وحتى مره مرتين كونت علاقه صداقه وانعجبت
ببنيه،

بس من حسيت متفيدني عادي انفصلت وسديت الموضوع يعني اعرف انسحب بالوقت المناسب ومااخلي مشاعري تتحكم بيه...