السلام عليكم
يتيمة المشاعر
نور ال زياده
نورزان: بعد ماخلصت العده ثاني يوم واني نايمه
رن موبايلي اول مافتحت الاتصال اجاني صوته
اللي صار اشهر مسامعته
رافي: صباح الورد
نورزان: صباح الخير
رافي: ااااه واخيرا سمعت صوتج، لو تعرفين شكد كنت مشتاقلج وروحي مفرفحه عليج، شوكت اكدر اشوفج؟
نورزان: رافي اني صح انفصلت، بس وضعي ميقل صعوبه عن قبل وتصرفاتي محسوبه عليه
وخصوصا اني هسه ببيت جدي واي تصرف منا
عيب بحق جدي اللي وكف بوجه اهلي وجابني يمه
رافي: ليش اني شنو مسوي، ليش هيج تحجين؟
نورزان: اعرف كلشي ممسوي يمكن قبل كان وجودك بحياتي وسوالفنه سوا طبيعيه
بس هسه الكل عرف انته تريدني وصار لقائنا صعب
رافي:ليش دا احسج دتصعبيها عليه
نورزان: ماكو هيج شي انته فهمت كلامي غلط
رافي: نورزان شوكت تفهمين اني شكد احبج ومتعلق بيج واتمنى اليوم قبل باجر نتزوج
وبما انو انتي انفصلتي وخلصت العده مااضن اكو بعد مانع
نورزان؛: انته كلتها انفصلت، يعني اني مطلقه
ومريضه، يعني ماعدت مثل قبل حاليا
اني مو نورزان اللي تعرفها كلشي بيه اتغير
حتى داخلي تغير
رافي: كلشي ميهمني من الحجيتي اللي كلتي، يهمني شي واحد اعرفه
من كلتي داخلي تغير يعني شنو بطلتي تحبيني؟
نورزان:(بداخلي) اااه لو بس تعرف شكد احبك واتمنى انجمع بيك بس ادري صعب ومستحيل
مااريدك تتامل وتنتضر شي نهايته مستحيله ومتصير
رافي: وين صرتي، مو احجي وياج ؟
نورزان: موجوده وين اروح
رافي: لعد ليش متردين، هيج سؤالي صعب وماعندج اله اجابه؟
نورزان: رافي اني اعصابي تعبانه ودماغي للان مامستوعب اللي عشته واحس نفسي مشتته
ومااعرف شنو اتصرف فرجائا لتضغط عليه
وقدر وضعي
رافي: خلص لتضوجين يجرالج كل اللي تريدي
يالوعة كلبي
نورزان: ليش دائما تكلي هل الكلمه، معقوله لهل درجه ماذيتك
رافي: بحزن) الضاهر مكتوبلي اضل معلعل وصابر ومتلوع بحبي الج هاي صار ٣سنوات ونص
واني منتضر تصير معجزه وتجمعنا
نورزان: رافي شوف حياتك لتنتضر وحده ماضل منها بس الرماد اني انتهيت وانته المفروض هسه عندك بيت وعائله واطفال تشيل اسمك لتضل تركض ورا وهم اسمه نورزان
رافي: ليش هيج تحجين ليششش؟
ليش كل مااخطي خطوه اتجاهج ترجعيني الف ورا
معقوله هيج ترخصين حبي الج وتريدين تبيعي وتستسلمين بهل سهوله وين قوتج اني ماربيتج حتى تكونين ضعيفه
أنت تقرأ
يتيمة المشاعر
Romanceشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
