يتيمة المشاعر

البارت الخامس والعشرين

السلام عليكم
يتيمة المشاعر
نور ال زياده

ريام: اصعب ايام دتمر عليه حاليا واني اشوف الم وانكسار اختي كدام عيني ومن اقرب الناس النا
والمشكله ماكو شي بيدي اسوي

كنت من اشوف حالها اموت الف موته، بس ماتصورت، بعد كل هذا هي اللي تموت

مااتخيل حياتي بدونها...

، بعدها شابه ماشافت شي من حياتها،

اصعب شي بالحياة هذا

افكر ويا نفسي شنو القادم شنو راح يصير؟

كل هل الكلام واني هسه محبوسه بغرفة نورزان
اباوع على الدم اللي مله الارض ،

اخذوها وراحو وسجنوني بالغرفه

ضليت ادعي ربي انو يحميها وميصير بيها شي

اعرف اللي سوته ماكانت بعقلها وصلوها درجة
تهسترت وفقدت

والا نورزان متسويها وهيه بعقلها

انسانه مؤمنه احسن منه كلنا

من هي وصغيره تصلي وتصوم وحتى هي وتمشي تقدم المساعده  للناس

حتى يوميتها كانت تنطيها للمحتاجين

اني مو مثلها ولازيد ماكو احد علمنا حتى صلاه نورزان علمتني،

بس اني اصلي واكطع مو مثلها ملتزمه

علمها رافي من هيه وصغيره،

اااخ يارافي تعال شوف شنو صار بحال نورزانتك

لو شايفها بدمها كان شنوسويت يمكن كان متت

لو تدري شنو سووا بيها ولوين وصلوها حتى طلعوها من دينها

قررت اكوم اتوضى واصلي وادعي الها
وان شاء الله نذر عليه بس ترجع سالمه
مااترك صلاتي ابد

*********************

نورزان: فتحت عيوني بتعب واحسها وارمه من البجي ومجرحه

لكيت نفسي على سرير بالمستشفى وايدي مربوطه
ومعلكيلي مغذي وامي يم راسي هي وزيد

من شفتهم تذكرت كل اللي صار درت وجهي عنهم

شكد كرهتهم، وتذكرت اني شنو سويت بروحي

وين ايماني وين خوفي من رب العالمين؟

تكلمت بتعب،....

حسبي الله عليكم، وصلتوني حتى اغضب ربي

زيد: يمه بله زحمه روحي صيحي الطبيب
عندي كلام ويا اختي

نورزان: هه اخته لا ومصدك روحك،

لك اني مااتشرف بواحد مثلك يصير اخويه

زيد: والله لو ما الناس كان عرفت شلون اخليج تتشرفين

هسه المهم اخاف عبالج من تموتين نفسج راح تخلصين،؟