يتيمة المشاعر

البارت الرابع والثلاثين

السلام عليكم
يتيمة المشاعر
نور ال زياده

ريام: طول عمري اشوف الحنيه والمحبه بعيون رافي اتجاه نورزان

بس اليوم شفت شي اعمق واكبر بالف مره من هل شي،

رغم شكد شكله تعبان احسه كوه واكف
بس مع ذلك نضرت الحب والخوف والهيام واضحه بعيونه

وشفت لمعة دمع بعيونه تدل على المه وضياعه وانكساره وهو يشوف حب عمره بهل حاله
تقرب منها

وكال....

رافي:ياروحي ليش هيج صاير وجهج شنو الصاير بيج ؟

طول عمري ماكنت اتحمل اشوفج مريضه لو دموعج بعيونج اما اليوم فشوفتج بهل حال ديفوق تحملي،

ليش هيج صار؟

ليش ماكدرت احميج هل مره؟

ليش يافرحة سنيني ولوعة كلبي ؟

نورزان: اني نايمه وسمعت صوت الانسان الوحيد اللي حتى صوته يحسسني بالامان والراحه مو بس وجوده

سمعت كلامه وماكدرت اتحمل نزلت دمعه مني وفتحت عيني التعبانه حتى اتاكد اذا اني بحلم لو حقيقه،

من شفته احس روحي ردت تمنيت اكدر اكله شكد مفتقدته ومشتاقتله وشكد فرحانه بجيته

باوعت عليه واني اتابع لهفته ونضرت الحب والخوف اللي بعيونه،

من شافني فتحت عيوني تكلم بلهفه

رافي:نورزززان،!!شلون صرتي؟

اجيت اشوفج انشغل بالي من سمعت بيج مريضه، الحمد الله عالسلامه

نورزان: كتله الله يسلمك ودرت وجهي لان عتبانه عليه ومااريد هم يشوف انكساري

رافي: ادري بيج زعلانه مني وحقج

اني اسف على كلامي الجارح وياج بس صدكيني
غصبن عني موهينه عليه اللي صار

على عيني اشوفج كدامي وصد بعيد، على عيني وكلبي كل اللي صار بينا

نورزان: رجعت باوعت عليه

وكلت....

رافي هذا الكلام كله بعد ميفيد، شي راح وانتهى

رافي: لا يفيد كان المفروض اعوف مشاعري على جانب وافكر بيج،

كان المفروض افهم انو انتي مستحيل تبيعيني برضاج وانما مغصوبه

جبروج على الزواج الى درجة تفكرين بالموت

نورزان: من سمعت هل الكلام فرحت لان عرف مابعته، بس افتهمت انو هو يعرف اللي صار وهل شي مراح يخلي يسكت، وتكون حياته معرضه للخطر،

باوعت على ريام حتى افهم شنو مسولفه اله، بس اشرتلي انو هي محاجيه اي شي

جاوبته....