السلام عليكم
يتيمة المشاعر
نور ال زياده
ريام: انشغل بالي على نورزان واهلي ولايمهم
وابويه مسافر ومااعرف شنو اسوي
كلبي مثل النار عليها كلت خلي اتصل
اتصلت وماردت وراشويه هم اتصلت
ردت
بس كلامها مو طبيعي كلش تعبانه
كالت...
ريام اذا صار عليه شي الكاميرا ضميتها بالكنتور
اني احس راح اموت
بعد هذا كلامها انرعبت
وخوفي زاد من سمعت بشي ارتطم بالارض
ضليت اصيح باسمها ماكو صوت ولارد،
رحت على امي وصرت اعيط واصيح واجى زيد ورفل وامي وماكو احد صدكني
كلت متصدكون موووو؟
راح اتصل بيت جدي وشتسوون سوو
امي كالت امشي زيد انشوف اختك، منخسر شي
اني هم اصريت اروح وياهم
رحنا الهم ويا فوتتنا فات حسام مرعوب ومتوتر
الضاهر رفل وصلتله الكلام وكان برا البيت ورجع
عفتهم ومن غير سلام ولاكلام ركضت فوك لغرفتها
شفتها واكعه وجها مابي شي بس اصفر وشاحب
نزلت احاول اصحيها،
انتبهت جسمها كله اثار ضرب
ضليت اصيح واغلط ماخليت،
اجت امي وزيد وحسام وام حسام،
واني انهديت غلط عليهم كلهم
كلتلهم...
شتنتضرون تحركوا خلي نروح للمستشفى
حسام وزيد ماوافقوا
كلت...
قسما بالله اذا هسه ماشلتوها اطلع هسه بالشارع افضحكم باللعياط والم الناس واخزيكم بالمنطقه، كلشي اسوي
من هل دقيقه اني مو ريام، الي تعرفوها
زيد: لصمي حلكج عرمه انتي واختج
ام زيد: انت الصم حلكك لومرتك صاير بيها نفس الشي اخوها يسكت لو يهجم البيت على راسنا
هل مره اني اللي ماراح اسكت،
وانته حسام عبالي ادمي وانطيتك بنتي، طلعت تضربها واختك يمنا عايشه معززه مكرمه
اني طول الوقت واكفه وياكم عبالي زوجتها لشخص يستاهلها طلعت مابيك حظ مع الاسف
يله شيل اختك خلي نروح للمستشفى لااني اللي افضحكم
ريام: امي ولاول مره توكف ويانا ضد زيد
وهي قبل يوم كانت متعاركه ويا رفل على الشغل
الضاهر عرفت الله حق
أنت تقرأ
يتيمة المشاعر
Romansشاب عراقي لايعرف الحب ولايؤمن به الى ان تدخل لحياته طفله صغيره ينبذها اهلها وتعيش كانها يتيمه يربيها بنفسه فتغير حياته وتعلمه معنى الحب والتضحيه ،،ويعشقها بعدما تكبر ويصبح مجنونا بها ويقدم حياته بين يديها فهل يجتمعان ؟ . . غرست داخل قلبي بذور حبه...
