يتيمة المشاعر

البارت السادس

السلام عليكم

يتيمة المشاعر

نور ال زياده

نورزان: دخلت للصاله كانو كلهم كاعدين بس اللي صدمني من ضمن الكاعدين عمو رافي، تفاجئت ومعرفت من صدمتي وفرحتى شنو اسوي، ضليت واكفه متحركت!!!!

رافي
_______
اني رافي نبيل الابن الاكبر للعائله، اجيت بعد خواتي منال وسمر،

من كنت صغير رغم طبعي كتوم وغامض، ونوعا ما بعيد عن الكل بس بنفس الوقت، اتعامل ويا الكل بمحبه واحترام،

طبعي مثل اكثر الرجال العراقين، عندي عصبيه، بس مو قويه، اعرف اتحكم باعصابي نوعا ما

وايضا، طبعي ثكيل ورزن، صح اتشاقه بس بدون مااقلل احترام من نفسي ومن المقابل،

اكثر شي اكرها الفوضى، ولهذا ماارغب للاطفال لان فوضويين

لمن كان عمري ١٧سنه تعرفت على اجمل طفله خلتني اغير رايي بالاطفال، ...

حلوه ومرتبه، وواعيه، كانت اكبر من عمرها، تعلقت بيها وصارت جزء مهم من حياتي

حسيت نفسي اب وهي بنتي لهذا شعرت انها تنتمي الي

وصرت اساعدها واعلمهه بكل خطوات حياتها
وهي هم تسمع كلامي من اتكلم وياها ...

خلصت هندسه بس بعدين قررت اكمل دراسات
واخذ الماستر  خارج العراق

، سافرت وماكان بعدي عن اهلي ...

سهل ابدا بس حاولت اتاقلم، علمود مستقبلي
بس الفراغ الاكبر اللي حسيته بعدي عن طفلتي اللي ربيتها ...

خصوصا من عرفت هي، متاثره على بعدي، ولهذا طلبت من اخواتي انو ميتركوها، وخصوصا سمر ردتها تصادقها وتصير قريبه منها لان اعرف نورزان طبعها بعيده عن اهلها

ضليت كل فتره اطمئن عليها واتصل واشوفها شنو محتاجه، حالها حال البنات حتى من اشتريلهن هدايا
اذكرها هي وريام،

كنت اعرف هي بدت تكبر، بس اضل احسها هذيج الطفله الدبدوبه الحلوه، ام عيون زرق

بعد مرور ٥ سنوات اواكثر قررت ارجع للعراق، بعد مااخذت شهاده_______

سويتلهم مفاجئه، ورجعت ،،،اهلي كلش فرحو بيه
وبعدها تغدينا وكعدنا نشرب جاي، سمعنا صوت الباب
وراها بدقائق،
دخلت شابه جميله، الى درجه تقطع الانفاس

طويله ورشيقه، والشعر اشقر، ومغطي نص جسمها
لكن اللي لفت انتباهي، عيونها !!

وكفت واني اباوع عليها، هاي العيون اعرفها،،
بس اغالط نفسي، لاممعقوله، مو هيه
هذي شابه ناضجه امراه متكامله، هذيج طفله؟!

انقطعت افكاري ....

من توجه سيف، عليه وحضني، سلمت عليه

رافي: ولك سيف هاي شطولك صاير، العام من اجيتوا عليه كنت اقصر بهوايه