يتيمة المشاعر

البارت العاشر

السلام عليكم

يتيمة المشاعر،،، نور ال زياده

نورزان: بعد الخطوبه واللي صار بديت اتلافى اي مواجهه ويا عمو رافي

وبعد ١٠ايام على هل السالفه، واحنا كاعدين بالكليه
اني وسيف

منشوف الا من بعيد نلمح رافي جاي باتجاهنا

اني استغربت بس بعدين اتذكرت هو قبل فتره
كال اريد اجيكم،

بس شنو كاشخ كشخه، طالع فد شي،، بحيث الطالبات من شافنه ضلن يتهامسن بينهن،

رافي: سلام عليكم، شلونكم، تستقبلوني، او اعود ادراجي

سيف: هههه مادامها صارت فصحى اكيد نستقبلك
هلا بيك

نورزان: اكتفيت بالسلام، وماجاملته ولاشي، بعدني
ضايجه منه، بس محاولت ابين شي

ضلينا كاعدين نص ساعه، وراها كله سيف امشي
نفتر بالجامعه ونشرب شي، وناكل، وافق على كلامه
بس اني اعتذرت منهم وكلت...

نورزان :اعذروني مااكدر اجي وياكم عندي محاضره، راح اروح وانتو اخذوا راحتكم

رافي: على راحتج، اساسا انتي حتى مدتشاركينا
كلامنا،

نورزان: اعذرني تعبانه وعندي محاضره، من رخصتكم

عفتهم ورحت للمحاضره، لان طبعي من اضوج من شخص مااكدر اجامله او حتى اتكلم ويا، لهذا قررت
ابتعد

*************

سيف
______

رافي شبيك ليش ضجت ؟

رافي: مابيه بس شفت نورزان شلون تصرفت ويايا
وحتى حسيتها ضايجه مني وجيتي وكعدتي على اعصابها

سيف: شنو السالفه كول ياالله اللبنيه ماحجت اي شي ....

ولاسوت اي تصرف يدل على كلامك..

رافي: اني اعرفها اكثر من نفسي، وعدم كلامها واهتمامها، بوجودي هذا يدل انو بيها شي

سيف: يووو يارافي اشو انته صاير تتحسس من نورزان اول تالي،،،،

وعلى فكره انت الي متغير مو هيه..

رافي: بطل سوالفك عود يعني تريد تديرها عليه السالفه وخلي ارجع احسن الي عود جيت اشوفكم نوب ضوجتوني وعكرتو مزاجي

سيف: على كيفك عيني ترا من جيت لسه واني مكابلك ودا فرفر بيك واجاملك...

تالي طلعت غاثك ومضوجك عيني مهندسنا
لو انت مزاجك مربوط بنورزان،؟

رافي: شنو قصدك؟

سيف: مااقصد شي يابه راح اسكت احسن لان فعلا
راح تندار عليه السالفه

**************

نورزان: خلصت محاضره وطلعت بس داامشي وصار امير بوجهي