يتيمة المشاعر

البارت الواحد والاربعين

السلام عليكم
يتيمة المشاعر
نور ال زياده

سمر:شنو السالفه رافي شنو هل الكلام ،انته دتعرف شنو تحجي وعن منو

رافي:بعصبيه وصياح)اي فاهم كلش زين فاهم

سمر:تصرفاتك وكلامك بدا يصير مو طبيعي ،رافي ارجع لعقلك وبطل تهور

رافي:اي عقل اللي تحجين بي ،ليش اني ضل عندي عقل اصلا،خبلتني طيرت عقلي رافي اللي تعرفوا
بححح راح ،
لتتوقعون مني بعد ابقى واكف اتفرج وهي تروح مني مره ثانيه

***********
نورزان:بعد اللي صار قررت اكرس وقتي لدراستي
رجعت للدوام
واول ما داومت كلها فرحت برجعتي ،طبعا اللي صار ويايا ماعاد سر اكثر الناس عرفوا بي واكيد اللي بالجامعه هم

ساكار:لو تعرفين شكد اليوم فرحانه بيج ،مشتاقتلج ومشتاقه لكعداتنا وسوالفنا سوا

نورزان:صدكيني اني هم مثلج بس لتشيلين هم رجعت خلص وان شاء الله نضل سوا

ساكار:شنو اخبار العاشق الولهان

نورزان:،ساكار رجاءا بعد لتحجين بي ولتجيبين طاريه

ساكار:ياا ولج شصاير مو هذا اللي كنتي تبجين علي

نورزان:اذا تحبيني صدك مااريد احجي بي ساكار اني تعبانه ومن اذكره كلبي يوجعني واريد انسى ترا تعبت

ساكار:هاهيه لتضوجين مااكول غير الله يهدي سركم

نورزان:داومت هل يومين ثاني يوم شفت سيف
بس من بعيد سلمت علي مااريد افتح اي موضوع ويا حتى ليجيب طاري رافي

ثالث يوم داومت خلصت محاضرات وطلعنه اني وساكار وويانا كم بنيه ردنا نروح ناكل

ساكار:نورزان ،نورزان ،ولج باعي هناك هذا مو رافي؟

نورزان:درت وجهي وشفته بس شنو حيلي كله صار يرجف مااعرف شنو بيه عبالك اول مره اشوفه بحياتي ،كاشخ وطالع يجنن والشعر الاشكر اللي عاكسه عليه الشمس احس كلبي يريد يطلع من مكانه
ويركض اله

تقى:اكول هذا مو اخو سيف لو اني غلطانه؟

ساكار:اي هو

الاء:ماشاء الله

نورزان:اول مره بحياتي كلها احس بغيره غريبه اتمنى افكس عيونهن من يباوعن علي ،اتمنى اعيط بيهن واكلهن هل شخص ملكي وحدي وممسموح تباوعن علي،تقرب ووصل يمي

رافي:السلام عليكم

الكل:،وعليكم السلام

رافي:نورزان ممكن نحجي عندي موضوع وياج

نورزان:اسفه مااكدر بعد شويه عندي محاضره

رافي:بعصبيه مكتومه )مو وقت عناد هي كلمتين نحجي وبعدها روحي لمحاضراتج