"ကျွန်တော်ချစ်သောရွှေသင်းသားလေး" (complete✌️)Uni /Zaw

အပိုင်း(၁၁)✌️"ကျွန်တော်၏ မြှားနတ်မောင် စစ်ဆင်ရေး---"✌️

"ညီ လာ ---"

ကန်ဘောင်ဘက်ရောက်တော့ အကိုက ဆိုင်ကယ်ရပ်ပြီး ကန်ဘောင်တစ်ခုအနားသွားဖို့ ခေါ်နေသည်။

"ညီ ခဏနော်--"

လက်ထဲက အထုပ်ကို ဖွင့်ပြီး အကိုက
အနီးအနားက ခွေးတွေကို ခေါ်ပြီး ကျွေးနေသည်။

ဒီအပြုအမူလေးတွေကနေကလဲ အကို့ကို ကျွန်တော်လေးစားရပြန်သည်။ အရင်တစ်လလောက် အကိုနဲ့တွဲသွားတွဲလား လုပ်ထားရျ် အကို့ရဲ့ အကျင့်တွေကို အားလုံးနီးပါးကျွန်တော်အလွတ်ရနေသည် ။လိုမှ စကားပြောတာထက် အကိုက ကျွန်တော့်ကိုဆို ဆက်ရင်ဆက်မိသလို ပြောပြရျ် တော်တော်များများသိနေသည် ။

"ညီရဲ့ စားသောက်ဆိုင်ကအပြန် ပိုလျှံတာတွေကို ပါဆယ်ထုပ်တာ ရှက်စရာမဟုတ်ဘူး
အကို့တို့ ပိုတာ ထုပ်တာပဲ သူများဝိုင်းက ယူတာလဲမဟုတ်ဘူး ခိုးတာလဲမဟုတ်ဘူး။
ဆိုကြပါဆို့ အခု အကိုတို့ ခေါက်ဆွဲကြော်စားတယ်။ ခေါက်ဆွဲကြော်တစ်ပွဲလုံး အကိုတို့ မကုန်ဘူး ဟုတ်တယ်မလား။ အကိုတို့စားထဲက မကုန်ဘူးဆိုတာသိလို့ ခွဲစားတယ် ပိုတာကို ပါဆယ်ထုပ်ခိုင်းတယ် ဒါက ရှက်စရာမှမဟုတ်တာ အကိုတို့ပိုတာ ထုပ်ခိုင်းတာ ။

အကိုတို့ ပြန်လာမယ် လမ်းမှာတွေ့ပါပြီ ။လမ်းဘေးခွေးလေးတွေ ဟိုရှာဒီရှာ စားသောက်နေတာတွေ အဲ့တော့ အကိုတို့ပိုခဲ့တဲ့ အထုပ်ကို ကျွေးလိုက်တော့ သူတို့ဗိုက်မပြည့်သွားဘူးလား။ အကိုတို့လဲ ကုသိုလ်မရဘူးလား ။ ဒါက ကုသိုလ်ပဲညီ ကုသိုလ်ဆိုတာ ယူတတ်ရင်နေရာတိုင်းမှာရှိတယ်ညီတဲ့ ။

ပိုက်ဆံတွေ အထပ်လိုက် လှူနေမှ Liveတွေလွှင့်ပြီး သူများတွေသိအောင် လှူနေမှ ကုသိုလ်ရတာမဟုတ်ဘူး ။ဒါက သူများတွေအားကျအောင်
လုပ်ပြနေတာ ။သူတို့လှူနိုင်တာကို သက်သက်ဇာချဲ့တာညီ ။ အကိုလဲ အရင်တုန်းက ညီ့လိုပဲ စားသောက်ဆိုင်ကအပြန် ပါဆယ်တွေဆွဲရတာ အရမ်းရှက်တာ။ အကို့ဖေက အကိုရှက်မှန်းသိလို့
အမြဲတမ်း ပိုတာတွေ ထုပ်ခိုင်းတယ် အကိုကလဲ
လူပျိုပေါက်ဆိုတော့ ရှက်တာပေါ့။ ဒါနဲ့ပဲ တစ်နေ့ကျတော့ အကို့အဖေကို မေးလိုက်တယ် ။အဖေဘာလို့ပိုတာတွေ ယူလဲပေါ့ ။အဖေက အကို့ကို ဘာမှပြန်မပြောဘူး အကိုတို့အိမ်ပြန်သွားတဲ့ လမ်းက အမှိုက်ပုံကြီးနားမှာ အကို့ကို ချပေးပြီး ခွေးတွေခေါ်ခိုင်းတယ်။