Unicode
သိပ်မကြာခင်မှာပဲ ဝမ်ရိပေါ်ဟာစိတ်ကူးယဉ်အိမ်မက်ထဲက နိုးထသွားရပါတော့တယ်။ အဲ့ဒီနေ့က ရှောင်းကျန့် ဘုရင့်အိမ်တော်ကပြန်လာပြီး သုံးရက်မြောက်နေ့။ ဝမ်ရိပေါ်က မယ်တော်ကြီးနဲ့ စကားအခြေအတင်ဖြစ်ပြီး အိမ်ပြန်လာတဲ့နေ့။ မယ်မယ်က သူ့ပါးပေါ်လက်ရွယ်ခဲ့တယ်။ မျက်ရည်ကျခဲ့တယ်။ အချစ်ကြောင့်နဲ့သူဟာ သားမိုက်ဖြစ်ခဲ့ရတယ်။ ဒါပေမဲ့ သူ့ဘက်ကလဲအော်ဟစ်ပေါက်ကွဲခဲ့တယ်။
"ဒီအသက်အရွယ်အထိ့ မွန်းကြပ်မှု့တွေကြားထဲမှာ ပုံစံခွက်ထဲမှာ အသက်ရှင်ရတာ ပင်ပန်းလှပြီ။မယ်မယ်စိတ်တိုင်းကျ ကျွန်တော်မနေခဲ့ဘူးလား။ ငယ်ငယ်လေးကတည်းက ကျွန်တော့်ဝါသနာတွေ ၊ သင်ယူချင်တဲ့အရာတွေ အားလုံးကို ကျွန်တော်စွန့်လွှတ်ပြီးနေခဲ့ရတာဗျာ။ ရယ်ချင်လို့တောင် အော်မရယ်ရဲတဲ့အခိုက်အတန့်တွေ ၊ မင်းသားတယောက်မှာရှိသင့်တဲ့ အရေးမပါတဲ့ထိန်းချုပ်မှု့တွေနဲ့ မိတ်ဆွေစစ်ဆိုတာတောင် အနားမှာ မရှိခဲ့ဘူး။ ကျွန်တော့်ကို ဒီတခါလောက်တော့ ကိုယ်ပိုင်ဆန္ဒလေးနဲ့ ဆုံးဖြတ်ခွင့်ပေးပါလား "
မျိုးနွယ်ရဲ့သိက္ခာ ၊ ဂုဏ်တွေ ...ဘာလုပ်ရမှာလဲ။ သူစက်ရုပ်လိုဘဝမျိုးနဲ့မရှင်သန်ချင်ဘူး။ ဌက်ကလေးတွေလိုပဲ လွတ်လွတ်လပ်လပ်ပျံသန်းချင်တာ။ စံအိမ်ပြန်ရောက်တာနဲ့ ဝမ်းနည်းနေတဲ့ သူ့စိတ်တွေကို အေးချမ်းစေမဲ့ အေးရိပ်လေးစီကို သူအပြေးသွားမိတယ်။ ဒါပေမဲ့ ...အိမ်မှာစောင့်ကြိုနေတဲ့အရာကမှ့ တကယ့်အပြင်းစားထိုးနှက်မှု့ကြီးဖြစ်မှန်း သူကြိုမသိခဲ့ဘူး။
"ပေါင်ပေါင်း မင်း ဒါဘာလုပ်နေတာလဲ
ပြုတ်ကျမယ်လေ အခုဆင်းစမ်း "
ရှောင်းကျန့်က အိပ်ဆောင်ရဲ့ အဝင်ပေါက်နားက ပြတင်းပေါက်ဘောင်မှာ ခြေထောက်လေးနှစ်ဖက်တင်ကာ တက်ထိုင်ထားတယ်။ ဒီအဆောက်အဦးက ၅ထပ်ပဲရှိတယ်ဆိုပေမဲ့ အခန်းဖွဲ့ပုံကျယ်တာကြောင့် မျက်နှာကျက်တွေအမြင့်ကြီး နေရာယူဆောက်ထားတာပါ။ ပြတင်းပေါက်မှန်တံခါး အားလုံးကို ဆွဲတင်ထားပြီး အထစ်ကလေးမှာ ဘေးစောင်းလေးထိုင်နေတာ ဘယ်လောက်ထိ့ အန္တရာယ်များလိုက်သလဲ ။ ဝမ်ရိပေါ်က ခြေကားယားလက်ကားယားနဲ့ သူ့ပေါင်ပေ့လေးကိုပြေးဆွဲဖို့လုပ်တယ်။ လန့်ပြီး ပြုတ်ကျသွားမှာလဲစိုးတာကြောင့် အနားအရမ်းမကပ်ရဲဘူး။
YOU ARE READING
Short Stories Collection
Fanfictionစိတ်ကူးရရင်ရသလို yizhan ဇာတ်လမ်းတိုလေးတွေကို ဒီထဲမှာ အားလုံးစုပြီးရေးပေးမှာပါ။ စိတ္ကူးရရင္ရသလို yizhan ဇာတ္လမ္းတိုေလးေတြကို ဒီထဲမွာ အားလုံးစုၿပီးေရးေပးမွာပါ။ Paung~pus ♡. Start Date - 16.9.2021
