Unicode
ဒိုင်း ~~~~ ဒိုင်း ~~~~ဒိုင်း
သေနတ်သံတွေ ဆူညံသွားတယ်။ ၄ယောက်သား ဇက်ကလေးပုလို့ အကာအကွယ်ရှိရာထောင့်တွေကို ပြေးကပ်နေရတယ်။ ဇွန်ဘီတွေက များလွန်းတာကြောင့် သေနတ်သမားနှစ်ယောက်လဲမနိုင်တော့ပဲ လုံးထွေးကုန်ကြပြီး အကိုက်ခံလိုက်ရတယ်။ ရဟပ်ယာဉ်ပေါ်ကလူကလဲ သူတို့အသက်မရှင်နိုင်တော့မှန်းသေချာနေပြီမို့ မောင်းပြေးသွားတော့တယ်။
"ဟေ့ !!! မသွားပါနဲ့ "
ဝမ်ချောင်က ဝမ်းခေါင်းသံကြီးနဲ့အော်ခေါ်ပေမဲ့ မလှည့်လာတော့ဘူး။
"ခွေးမသားတွေ !!! "
ရွယ်ယမ်က ပစ်ပစ်နှစ်နှစ်ကျိန်ဆဲလိုက်ပြီး အနားကပ်လာတဲ့ဇွန်ဘီတစ်ကောင်ကို ရိုက်ချလိုက်တယ်။ လူသားနဲ့ ဇွန်ဘီတိုက်ပွဲ ။ လေးယောက်သား ဇွန်ဘီတွေအနားမကပ်နိုင်အောင် လက်အံသေလာတဲ့အထိကာကွယ်နေရတယ်။
"မဖြစ်တော့ဘူး ဟိုဘက်တိုက်ကို ပြန်ကူးရအောင် ...မြန်မြန် "
ဝမ်ရိပေါ်က ရှောင်းကျန့်ကို လက်ဆွဲပြီးပြေးသွားတယ်။ ဒီအချိန်မှာပဲ အနောက်ကပြေးလိုက်လာတဲ့ ဝမ်ချောင်ကခြေချော်ပြီးလဲကျတယ်။
"အာ့ "
"ဟာ ! ဟေ့ကောင် အမြန်ထကွ "
ဝမ်ချောင်ကို ကိုက်ဖို့ကြိုးစားနေတဲ့ ဇွန်ဘီတွေကိုရွယ်ယမ်က ကာပြီးရိုက်ချပေးနေတယ်။
"ပြေး ပြေးတော့ !!! "
ဝမ်ချောင်ထနိုင်တာနဲ့ နှစ်ယောက်သား တစ်ဖက်ကို ခုန်ကူးကြတယ်။ ပြေးလိုက်လာတဲ့ ကျပ်မပြည့်ဇွန်ဘီတွေ အောက်ကို တပြုံကြီးပြုတ်ကျပြန်တယ်။ လေးယောက်သားလဲ ဖတ်ဖတ်မောနေကြပြီ။
"လှေကားက တံခါးကိုပိတ်လိုက် !!! "
ဒီတစ်ခါတော့ သူတို့စာတတ်သွားကြပြီဖြစ်တယ်။ တံခါးကို အရင်ပိတ်ချလိုက်ပြီး ခြေပစ်လက်ပစ် ကြမ်းပြင်ထက် လှဲအိပ်မိကြတယ်။ ခေါင်းပေါ်က ကောင်းကင်ပြာပြာက သူတို့ကို လှောင်ရယ်ပြနေသလိုပဲ။
"မတန်လိုက်တာကွာ ... အခုဘာဆက်လုပ်ကြမတုန်း ကယ်မဲ့ကောင်တွေလဲပြေးပြီ "
YOU ARE READING
Short Stories Collection
Fanfictionစိတ်ကူးရရင်ရသလို yizhan ဇာတ်လမ်းတိုလေးတွေကို ဒီထဲမှာ အားလုံးစုပြီးရေးပေးမှာပါ။ စိတ္ကူးရရင္ရသလို yizhan ဇာတ္လမ္းတိုေလးေတြကို ဒီထဲမွာ အားလုံးစုၿပီးေရးေပးမွာပါ။ Paung~pus ♡. Start Date - 16.9.2021
