Unicode
XZ အမျိုးသားသီးသန့်အဆောင်
အိမ်လေးက ၂ထပ်တိုက်ပုလေးဆိုပေမဲ့ အထင်သွားသေးလို့မရဘူး။ အထဲမှာ အကန့်သေးသေးလေးတွေနဲ့ အခန်းပေါင်း ၁၀ခန်းရှိတယ်။ ပိုင်ရှင်ကတော့ လူပျိုကြီးရှောင်းကျန့် ။ အသက်က ၃၀အတိ့။ မျက်နှာထားကတည်လွန်းတာကြောင့်ရုပ်ရင့်တယ်ထင်ရပေမဲ့ အနီးကပ်သေချာကြည့်ရင် သန့်ပြန့်ပြီးကြည့်ကောင်းတဲ့လူချောလေးဆိုတာ ငြင်းလို့မရ။ အမျိုးသားသီးသန့်ဆောင်ဆိုတဲ့အတိုင်း လူအမျိုးအစားအစုံကို ထိန်းအုပ်နေရတာကြောင့်ပဲလားမသိ။ လူက အလိုလိုမျက်နှာကြောတင်းနေတော့တာ။
ရှောင်းကျန့်က မှတ်စုစာအုပ်လေးကို ဟိုခြစ်ဒီခြစ်လုပ်ပြီး လက်တစ်ဖက်ကလဲ ဂဏန်းတွက်စက်ကိုတဒေါက်ဒေါက်ခေါက်နေပြန်တယ်။
" အခန်းနံပါတ် ၈ အဆောင်လခမပေးတာ ၃လ တောင်ရှိပြီပဲ ။ ဒီဝမ်ရိပေါ်ဆိုတဲ့ကောင်စုတ်လေး ငါနဲ့တွေ့မယ် ။ ဒီတစ်ခါတောင်းလို့မပေးရင် အိမ်ပေါ်က ကန်ချပြီပဲ"
ဒေါက် ~~~ဒေါက် ~~~ဒေါက်
"ဟေ့ တံခါးဖွင့်စမ်း နံပါတ်၈ "
" ဝမ်ရိပေါ် !!! "
ဒုန်း~~~ဒုန်း
"နေဖင်ထိုးနေပြီ အိပ်တုန်းလား!!!
ထတော့ ... အမလေး ..."
လက်သီးဆုပ်လေးများဖြင့် စိတ်မရှည်စွာ တဒုန်းဒုန်းထုနေတုန်း တံခါးကဝှစ်ခနဲပွင့်သွားတယ် ။ မျက်နှာတစ်ခုလုံးမီးသွေးလိုမဲနေတဲ့ ဝမ်ရိပေါ်ကြီးကအိပ်မှုံစုံမွှားထွက်လာတာမို့ ရှောင်းကျန့်ကလန့်သွားတာ။ နဖူးထိပ်က ဆံပင်တွေကိုလဲကြက်တောင်စည်း စုပြီးစည်းထားသေးတယ်။ ဝမ်ရိပေါ်က သူ့ကိုလန့်နေတဲ့ရှောင်းကျန့်ကိုကြည့်ပြီး ထုံးစံအတိုင်း မထိခလုတ်ထိခလုတ်စတော့တယ်။
"ဘာလဲဗျာ မနက်ဆယ်နာရီပဲရှိသေးတယ်
တွေ့ချင်နေပြီလား ....ကျွန်တော့်ကိုတရက်မတွေ့ရရင်မနေနိုင် ...အားးး "
ဂွက်ခနဲခေါက်လိုက်တဲ့လက်က အားပါချက်။ အိပ်ချင်ပါပြေသွားတယ်။ လူပျိုကြီးတွေများ တယ်လဲလက်သန်ပြောင်သကိုး။ ဝမ်ရိပေါ်ကိုဒါမျိုး လုပ်ချင်ရာလုပ် ထိခွင့်ပေးထားတာ တလောကလုံးမှာ သူတစ်ယောက်ထဲရှိတယ်ဆိုတာ ဒီလူပျိုကြီးသိဟန်မတူ။ တခြားလူသာဆို ကိုင်ပေါက်လိုက်ပြီ။
KAMU SEDANG MEMBACA
Short Stories Collection
Fiksi Penggemarစိတ်ကူးရရင်ရသလို yizhan ဇာတ်လမ်းတိုလေးတွေကို ဒီထဲမှာ အားလုံးစုပြီးရေးပေးမှာပါ။ စိတ္ကူးရရင္ရသလို yizhan ဇာတ္လမ္းတိုေလးေတြကို ဒီထဲမွာ အားလုံးစုၿပီးေရးေပးမွာပါ။ Paung~pus ♡. Start Date - 16.9.2021
