Unicode
ဒဏ်ရာတွေလာပေးတဲ့ သရဲလေးကြောင့် ဝမ်ရိပေါ်ကို အိမ်သားတွေလဲမကြည်လင်တော့ပါဘူး။
"ချစ်ဇနီးလေး ဒီကောင်ဘာဖြစ်နေတာလဲ "
"ရှင့်သားက ရည်းစားပူမိနေတာတော်ရေ"
ဝမ်မားစကားကြောင့် ဝမ်ပါးက ဟေခနဲဖြစ်သွားတယ်။
"ဘယ်သူလဲ၊ ဘယ်ရပ်ကွက်ကလဲ ၊ ဘယ်အိမ်ကလဲ၊ဘယ်ဟာမက ငါ့သားကိုပြန်မကြိုက်တာလဲ သွားတောင်းရမ်းပေးမယ်ဟေ့ ၊ ငါ့သားလေး မျက်ကွင်းတွေညိုလို့ မအိပ်နိုင်မစားနိုင်နဲ့ ငါမကြည့်ရက်ဘူး"
"ဘယ်ဟာမမှ့ မဟုတ်ဘူး ၊ ဝထ္ထုစာအုပ်ထဲက ဇာတ်ကောင်ကိုကြိုက်နေတာတော်ရေ "
"ဟေ ..."
ဟုတ်သည်လေ။ တနေ့တနေ့ စာအုပ်ကြီးရင်မှာပိုက်ပြီးငူငိုင်နေမှ့တော့ မိဘတွေလဲရိပ်မိကုန်ပြီ။ ဝမ်ရိပေါ်ကတော့ သူ့ကိုဘယ်သူတွေအတင်းပြောနေလဲ စိတ်မဝင်စားပါဘူး။ အပူကိုအတင်းနဲ့မြိုချလို့ အလုပ်ကအလုပ်ပဲမို့ gym ကိုသွားရပြန်တယ်။ မသွားလို့လဲမရတော့ဘူး။ပျက်ကွက်တဲ့ရက်တွေလဲ များပြီ။ Gym ပိုင်ရှင်မ့ မယ်ပေါင်းပု့က မောင်လေး ဖျားနေတာလား။ ကျဲကျဲအိမ်လာခဲ့ရမလား လုပ်နေပြီ။
"ရိပေါ်လေး လာပြီလား အို ပိန်သွားတာပဲ
ကြိုးစားလိုက်ပါအုမ်း ဖိုက်တင်း "
အပေါက်ဝမှာတင် ပေါင်းပု့မနဲ့တန်းတိုးပြီး ပဲနို့တဘူးလက်ဆောင်ရလိုက်တယ်။ ဆွေးနေပါတယ်ဆို ဒီအမကြီးက တမှောက်။ ဝမ်ရိပေါ်လေးဟာ ပဲနို့ဘူးလေးကိုင်လို့ အခန်းထဲဝင်လာတယ်။ ထုံးစံအတိုင်း လာ့ဆော့တဲ့လူတွေကတော့ သူ့အာရုံနဲ့သူ။ ရိပေါ်ကိုမြင်တော့ နှုတ်ဆက်တဲ့သူကလဲဆက်ပေါ့။
"ဟိုကောင် ကျန်းချန်ရော "
"ဒီနေ့အသစ် တယောက်ရောက်တယ်လေ
မင်းမလာတော့ သူပဲတာဝန်ယူသင်ပေးနေရတယ် "
ခပ်လှမ်းလှမ်းမှာကျန်းချန်ကို ပါးစပ်ဖြဲကြီးနဲ့ ရယ်နေတာကိုတွေ့တယ်။ ကျန်းချန်ရပ်စကားပြောနေတဲ့လူက အကျီနက်ပြာဝတ်ထားပြီး ရိပေါ်ကိုကျောပေးထားတယ်။ ကျန်းချန်က လက်မောင်းလေ့ကျင့်ခန်းအတွက် သင်ပြပေးနေတာဖြစ်တယ်။ ပိန်ပါးပါးကိုယ်ဟန်အနေအထားကြောင့် တော်တော် train ပေးရမဲ့လူပဲလို့ ရိပေါ်က တွေးမိလိုက်တယ်။
أنت تقرأ
Short Stories Collection
أدب الهواةစိတ်ကူးရရင်ရသလို yizhan ဇာတ်လမ်းတိုလေးတွေကို ဒီထဲမှာ အားလုံးစုပြီးရေးပေးမှာပါ။ စိတ္ကူးရရင္ရသလို yizhan ဇာတ္လမ္းတိုေလးေတြကို ဒီထဲမွာ အားလုံးစုၿပီးေရးေပးမွာပါ။ Paung~pus ♡. Start Date - 16.9.2021
