Unicode
အခြေအနေပေးတာနှင့် အပြင်ကိုခိုးထွက်လို့ စုံစမ်းကြည့်ခဲ့ပေမဲ့ သူ့မိသားစုနဲ့ပတ်သက်လို့ဘာသတင်းမှ့မရခဲ့။ အဖမ်းခံလိုက်ရတယ်ဆိုတဲ့ သတင်းမကြားတာကိုပဲ ရှောင်းကျန့်က ဝမ်းသာရမလိုဖြစ်နေတယ်။ အခုလို သတင်းအစအနပျောက်နေတာကိုက လွှတ်မြောက်နေသေးတယ်ဆိုတဲ့ အဓိပ္ပာယ်ပဲပေါ့။ ဝမ်လေးကိုပဲ ချော့မော့ပြီး စကားအစ်ကြည့်ရင်ကောင်းမယ်လို့ ရှောင်းကျန့်ကတွေးမိတယ်။
သူထွက်သွားတာ အချိန်သိပ်မကြာပေမဲ့ ရိပေါ်စီဘယ်လိုသတင်းရောက်သွားသည်မသိ။ အိမ်တော်ထဲ ဝင်လိုက်တာနဲ့ ကြောက်လန့်နေကြတဲ့အလုပ်သမားတွေနဲ့ ရှိသမျှအကုန်ဖျက်စီးသောင်းကျန်းနေတဲ့ ဝမ်ရိပေါ်ကိုတွေ့လိုက်ရတယ်။
"ဒါက ဘယ်သွားခဲ့တာလဲ !!! "
"ကိုယ်...အိမ်တော်ထဲမှာနေရတာ မွန်းကြပ်လာလို့ အပြင်ခဏထွက်မိတာပါ "
"ဘာလဲ ဒဏ်ရာတွေ သက်သာစပြုပြီဆိုတော့
ထွက်ပြေးချင်ပြီပေါ့ ၊ ဒါမှ့မဟုတ် နောက်ထပ် ဒဏ်ရာအသစ်တွေ ထပ်လိုချင်တာလား "
"မဟုတ်ပါဘူး တောင်းပန်ပါတယ် ဝမ်လေး
ကိုယ်တောင်းပန်ပါတယ်နော် စိတ်မဆိုးပါနဲ့တော့ ကိုယ်အခုမင်းစီပြန်လာတာပဲလေ ထွက်ပြေးသွားတာမဟုတ်ပါဘူး "
"ကျုပ်ကို ရင်းနှီးသလို မခေါ်နဲ့
ဘာလဲ ခဗျားက အရင်လို ရွှေဘုံစံသခင်လေးဘဝကိုမမေ့နိုင်သေးတာလား ၊ ခဗျား သိထားဖို့က ဒီအိမ်တော်မှာ ခဗျားက ကျုပ်ရဲ့ အစေခံပဲ ကြားလား !!! "
ဝမ်ရိပေါ်ရဲ့ ဟိန်းဟောက်သံကြောင့် ရှောင်းကျန့်က အသံတိတ်လို့ သူ့ကိုကြည့်နေခဲ့တယ်။
"နောက်တခါ သူအပြင်ထပ်ထွက်တယ်ကြားရင် မင်းတို့အားလုံး အရင်ခေါင်းပြတ်မယ် "
"သေချာစောင့်ကြည့်ထားပါ့မယ် "
အနားက နောက်လိုက်ငယ်သားတွေကတော့ တွေးနေကြပါတယ်။ သူတို့ရဲ့စစ်သူကြီးက ဒီစစ်သုံ့ပန်းလေးကို ဘယ်လောက်တောင်သဘောကျတာလဲ။ နှုတ်ကနေသာ ကြမ်းတမ်းစွာပြောဆိုနေပေမဲ့ ရှောင်းကျန့်ဒဏ်ရာနဲ့ နေမကောင်းတဲ့ တလလုံး ဆေးကအစသူကိုယ်တိုင်ကျိုတိုက်တာ။ ထောင်စောင့်ကိုလဲ အသက်မသေရုံတမယ်အပြစ်ပေးခဲ့တာ။ အစေခံ ၊ အစေခံ နဲ့ သုံးနှုန်းနေပေမဲ့ ရှောင်းကျန့်ကိုယ်မှာဆင်ထားပေးသည့် အဝတ်တွေက တိုင်းပြည်ရဲ့ အကောင်းဆုံး ဈေးအကြီးဆုံး ပိုးထည်တွေ။
ESTÁS LEYENDO
Short Stories Collection
Fanficစိတ်ကူးရရင်ရသလို yizhan ဇာတ်လမ်းတိုလေးတွေကို ဒီထဲမှာ အားလုံးစုပြီးရေးပေးမှာပါ။ စိတ္ကူးရရင္ရသလို yizhan ဇာတ္လမ္းတိုေလးေတြကို ဒီထဲမွာ အားလုံးစုၿပီးေရးေပးမွာပါ။ Paung~pus ♡. Start Date - 16.9.2021
